Parkingu nëntokësor i Prishtinës hapet në nëntor, pamje nga brenda

Kryetari i Prishtinës, Përparim Rama, ka bërë të ditur se ndërtimi i parkingut nëntokësor te Fakulteti Filologjik  do të përfundojë në muajin nëntor të këtij viti.

Rama, në llogarinë e tij në Facebook, ka shpërndarë disa fotografi duke treguar pamje nga brenda.

“Parkingu Nëntokësor i Prishtinës po përfundon!  90% e punimeve veçse janë kryer, e hapja zyrtare pritet të bëhet në nëntor. #kryeqyteti”, ka shkruar Rama.

Ndërkaq, sa i përket hapësirës publike mbi parking që përfshinë 13 mijë e 990 metër katrorë.

Po ashtu pritet të ketë: Hapësirë për pushim, hapësirë komerciale, lojë dhe rekreacion, hapësirë për këmbësorë dhe biçikleta, hapësirë edukative dhe për aktivitete kulturore, dhe mbledhja e 150 trungjeve të reja.

Në hapësirën e parkingut nëntokësor me sipërfaqe 23 mijë e 651 metër katrorë pritet të ketë: 700 vend parkingje, prej tyre 600 standarde, 41 për makina elektrike, 33 për persona me nevoja të veçanta dhe 26 për motoçikleta po ashtu do ketë edhe hapësirë afariste./Telegrafi/