Ndihmojnë në uljen e proceseve inflamatore – ushqimet që janë plot me antioksidantë

Një mënyrë jetese moderne, shumë stres, ndotje nga mjedisi dhe shprehi të këqija të të ngrënit, së bashku me mungesën e gjumit cilësor, shpesh çojnë në një rritje të vazhdueshme të nivelit të procesit inflamator të brendshëm.

Inflamacioni është një proces biologjik që qëndron në themel të shumë problemeve të padëshiruara shëndetësore, nga sëmundjet e zakonshme, si dhimbja e nyjave, deri te gjendjet më serioze, si sëmundjet autoimune. Edhe sëmundjet e zemrës dhe problemet e shëndetit mendor janë të lidhura me nivele të larta të inflamacionit sistemik.

Lexo po ashtu Inflamacioni dhe shenjat që e tregojnë atë

Ushqimet e pasura me antioksidantë për reduktimin e inflamacionit:

Boronica të egra

Disa studime tregojnë se boronicat e egra përmbajnë tri deri në pesë herë më shumë antioksidantë se boronicat e zakonshme.

Sipas Universitetit të Arkansasit, ngrënia e një filxhani me boronica të egra siguron gjithsej 13.427 antioksidantë, rreth dhjetë herë më shumë se sasia e rekomanduar.

Boronicat e egra janë jashtëzakonisht të pasura me antioksidantë, fibra, vitaminë C, vitaminë K dhe mangan. Përveç kësaj, përmbajnë lëndë ushqyese të tjera të rëndësishme, si vitamina E, bakër dhe hekur. Ato gjithashtu mund të jenë të dobishme në reduktimin e simptomave të gjendjeve inflamatore, si artriti dhe sëmundjeve të tjera autoimune – njofton Eat This Not That.

Domatet

Domatet janë një ushqim me pak kalori të pasura me lëndë ushqyese. Përmbajnë vitaminë C, vitaminë A, kalium, acid folik, vitaminë K dhe vitaminë B6.

Lidhen me përmirësimin e shëndetit të zemrës dhe përmbajtja e lartë e kaliumit ndihmon në rregullimin e presionit të gjakut.

Gjithashtu, likopeni mund të kontribuojë në uljen e rrezikut të sëmundjeve të zemrës.

Çaji i gjelbër

Sipas një studimi të vitit 2017, antioksidantët e quajtur katekina në çajin e gjelbër, kanë veti antikancerogjene dhe anti-inflamatore.

Spinaqi

Spinaqi është i njohur për përbërësit, si hekuri dhe vitamina K dhe është plot me antioksidantë të ndryshëm.

Është një perime me gjethe të gjelbra që shpesh konsiderohet një superushqim për shkak të vlerave të pasura ushqyese.

Ushqyesit, si vitamina K dhe fitonutrientë të tjerë, mund të kenë veti anti-inflamatore që ndihmojnë në luftimin e kushteve inflamatore kronike. Është i pasur me antioksidantë, si vitamina C dhe beta-karoten.

Këta antioksidantë ndihmojnë në mbrojtjen e qelizave nga dëmtimi i shkaktuar nga radikalet e lira dhe promovojnë shëndetin e përgjithshëm.

Çokollate e zezë

Çokollata e zezë përmban përqindje më të lartë të kakaos në krahasim me çokollatën me qumësht. Kakaoja është e pasur me antioksidantë dhe flavonoide që janë lidhur me përfitime të ndryshme shëndetësore.

Sa më e errët të jetë çokollata (sa më e lartë të jetë përmbajtja e kakaos), aq më shumë antioksidantë ka të ngjarë të përmbajë. Por, nëse nuk mund ta duroni shijen e hidhur të çokollatës super të zezë, kërkoni një përqindje kakao prej 70 për qind ose më të lartë.

Hulumtimet sugjerojnë se konsumimi i rregullt i sasive të vogla të çokollatës së zezë mund të kontribuojë në përmirësimin e shëndetit të zemrës dhe qarkullimit të gjakut. /Telegrafi/