Ndërtesën barok të Bashkisë së Shkupit do ta ndërtojë kryetari i ardhshëm

Kryetari aktual i Bashkisë së Shkupit, Koce Trajanovski, deri në fund të mandatit të tij të vazhduar nuk do të vendoset në ndërtesën e re përreth Vardarit, nën Kala. Objekti i ri për administratën, sipas njoftimeve të para të Bashkisë është dashur të përfundojë para dy viteve.

Nga Bashkia e Shkupit thonë se shumica e punimeve ndërtimore në pjesën e jashtme të objektit kanë përfunduar, ndërsa punohet edhe për një rrugë nga ana e lumit Vardar, përcjell Telegrafi Maqedoni.

Këtë vit në buxhetin e Bashkisë së Shkupit janë paraparë 160 milionë denarë për ndërtim dhe 1,6 milionë denarë për mbykëqirjen e ndërtimeve të ndërtesës së barokut.

Ajo filloi të ndërtohej në qershor të 2011, ndërsa duhej të ndërtohej për katër vite. Trajanovski atëherë njoftoi se ndërtimi do të kushtojë 900 milionë denarë, gjegjësisht 14,6 milion euro, por sipas marrëveshjes së publikuar nga Zyra për të ardhura publike, ndërtimi ka tejkaluar 20 milionë euro.

Ndërtesa barok ndërtohet me planin e Ivan Koklanovski dhe Borçe Stefanovski. Ndërsa kontraktues për ndërtimet është “Beton” nga Shkupi./Telegrafi/