Nacho po largohet nga Reali, ka dy opsione tërheqëse për të

E ardhmja e Nacho Fernandez  vazhdon të jetë e paqartë nëse ai do të mbetet te Real Madridi apo do të largohet gjatë verës.

Mbrojtësi veteran ka fituar La Ligan dhe Ligën e Kampionëve këtë vit me Los Blancos dhe nuk ka vendosur nëse do të mbetet në Madrid apo do të largohet për një aventurë të re.

Dy klubet që po e duan me çdo kusht veteranin spanjoll janë Inter Miami dhe Al-Nassr.

Secila prej këtyre skuadrave paraqet propozime tërheqëse që mund të ndikojnë në vendimin përfundimtar të Nachos.

Lexo po ashtu Nacho pas finales: Ëndërr e përmbushur ta ngritja këtë trofe si kapiten i Real Madridit

Inter Miami, klubi amerikan në të cilin luan Lionel Messi, ka treguar interes të madh për të pasur shërbimet e tij.

Për Nacho, ideja për të shkuar në Shtetet e Bashkuara nuk do të thotë vetëm një sfidë e re në karrierën e tij, por edhe një përmirësim në cilësinë e jetës së tij, diçka që ai e vlerëson shumë. Jeta në Miami, me klimën e saj të ngrohtë dhe stilin e jetës së relaksuar, mund të jetë një faktor vendimtar për mbrojtësin spanjoll.

Lexo po ashtu Cristiano Ronaldo telefonon dy ish-bashkëlojtarët e tij tek Real Madridi – i dëshiron tek Al Nassr

Nga ana tjetër, Al-Nassr, skuadra saudite ku luan Cristiano Ronaldo, ish-shoku i skuadrës së Nachos në Madrid, i ka hedhur sytë edhe tek ai.

Propozimi i Al-Nassr nuk përfshin vetëm një pagë dukshëm më të lartë, por edhe mundësinë për të luajtur në një ligë që po rritet dhe po bëhet gjithnjë e më konkurruese.

Prania e Ronaldos mund të jetë një nxitje shtesë për Nacho, i cili mund të takohet me portugezin dhe të kontribuojë me përvojën e tij në ekip. /Telegrafi/