Mustafa merr përkrahjen e UNDP-së për projektet bujqësore

Ministria e Bujqësisë, Pylltarisë dhe Zhvillimit Rural, do të vazhdojë bashkëpunimin me UNDP-në, me qëllim të realizimit të projekteve në sektorin e bujqësisë dhe zhvillimit rural, që për qëllim kanë avancimin e këtyre sektorëve dhe zhvillimin ekonomik të vendit.

“Kështu është thënë gjatë takimit që Ministri i MBPZhR-së, Besian Mustafa, zhvilloi sot me përfaqësuesen e përhershme të UNDP-së, Maria Suokko, me të cilin kanë diskutuar edhe për bashkëpunimin e deritanishëm mes dy institucioneve.

Po ashtu, ministri ka falënderuar UNDP-në për mbështetjen e vazhdueshme për sektorin e bujqësisë në Kosovë dhe me këtë rast e ka njoftuar atë me investimet dhe prioritetet e ministrisë në kuadër të Programit për Bujqësi dhe Zhvillim Rural të këtij viti”, thuhet në njoftimin për media.

Në anën tjetër, përfaqësuesja e përhershme UNDP-së, Maria Suokko, theksoi se si institucion do të vazhdojnë përkrahjen e këtij sektori, përmes projekteve të ndryshme për fermer, përmes angazhimit të ekspertëve në fusha të ndryshme të zhvillimit bujqësor, si dhe projekteve për zhvillimin e zonave rurale, me qëllim të zhvillimit ekonomik dhe rritjes së punësimit në vend. /Telegrafi/