Musliu: Dezinformatat ruso-serbe tash po përdoren edhe ndaj serbëve në veri të Kosovës që janë kundër politikave të Vuçiqit

Eksperti i çështjeve të sigurisë, Agim Musliu është shprehur se tashmë dezinformatat të gatuara nga Serbia e Rusia po përdorën edhe ndaj serbëve në veri të Kosovës.

Musliu me anë të një shkrimi në Twitter, thekson se propaganda është kundër atyre serbëve lokal që kundërstojnë politikat e Aleksandar Vuçiqit ndaj Kosovës, shkruan The Geopost.

“Dezinformimi lindi në Rusi dhe u rrit në Serbi e shumë i përdorur në Kosovë, kohëve të fundit edhe kundër qytetarëve serbë në veri të Kosovës, kundër atyre që janë kundër kriminelëve dhe politikës së Vuçiqit për Kosovën”, shkruan Musliu.

Sipas disa kanaleve ruse në Telegram, propagandohet kinse ka të shtëna të armëve për ta marr me forcë stacionin policor në Zubin Potok.

Mirëpo, politikani serb nga radhët e republikanëve Nikola Sanduloviq ka thënë se bandat e drejtuara nga Vuçiq iq po trembin, rrahin dhe vrasin serbët në Kosovë e jo shqiptarët, ashtu siç thuhet në mediet që drejtohen nga ai.

Kujtojmë se janë bërë 16 ditë që kur grupe të serbëve të drejtuar nga Beogradi kanë vendosur barrikada në disa rrugë në veri të Kosovës.

Për shkak se barrikadat kanë bllokuar rrugët që çojnë drejt pikëkalimeve kufitare, Jarinjë dhe Bërnjak – që lidhin Kosovën dhe Serbinë – këto dy pika vazhdojnë të jenë të mbyllura për qarkullim që nga 10 dhjetori.

Dezinformacija #disinformation was born in #Russia and grown in #Serbia heavily used in #Kosovo, nowadays also against #Serb citizens in north of Kosovo, against those who are against criminals and #Vucic‘s policy on Kosovo. Cheep fake = Vucic’s production pic.twitter.com/nF0oYyLK30

— Agim Musliu (@agim_musliu) December 25, 2022