Murtezaj: Është duke u hartuar Ligji i ri për Lojërat e Fatit (Video)

Drejtori i përgjithshëm i Administratës Tatimore (ATK), Ilir Murtezaj, në një intervistë për Emisionin “Ekonomi” në Telegrafi.com ka thënë se janë duke luftuar informaliteti edhe të lojërat e fatit, të cilat operojnë pa u regjistruar.

Ai ka bërë të ditur se vetëm javën e kaluar ATK-ja ka mbyllur 11 subjekte të lojërave të fatit.

“Këto janë aktivitete të përditshme që ndodhin. Sipas informatës që më kanë përcjell zyrtarët e lojërave të fatit janë veprime që janë marr në kundërshtim me kërkesat që ofrohen me dhënien e licencave të lojërave të fatit. Veprimet që janë marr me gjobitje. Kam kërkuar që të veprohet komfor bazës ligjore. Nuk mjafton vetëm një gjobë mandatare për një veprim të tillë, për një aktivitet që veprohet pa licencë. Do të fillohet me ato bizneset me automatë që janë”, tha Murtezaj.

Lexo po ashtu Drejtori i ri i ATK-së, Murtezaj: Për shkak të ekonomisë jo formale, rreth 2 miliardë euro nuk kalojnë nëpër rrugë të ligjshme (Video)

Të gjitha subjektet, sipas tij, që ushtojnë aktivitete në kundërshtim me Ligjin për Lojërat e Fatit, do të luftohen nga ATK-ja. “Nuk do të thotë se gjobat janë të vogla, por nuk mjafton vetëm me gjobë. Ligji parasheh që të veprohet edhe nga këndi penal. Duhet të vazhdohet edhe në këndin e veprimit penal”, ka thënë Murtezaj.

Drejtori i ATK-së, në intervistën për Emisionin “EKONOMI” ka treguar se është duke u hartuar ligj i ri për Lojërat e Fatit.

Lexo po ashtu ATK mbyll 11 lokale të lojërave të fatit

“Aktualisht është duke u hartuar Ligji i ri për Lojërat e Fatit dhe janë paraparë që të automatizohet sistemi, të bëhet online që çdo transaksion që bëhet të jetë informatë online. Kjo do të minimizoj mundësinë e keqpërdorimit dhe evazionit fiskal”, theksoi Ilir Murtezaj. /Telegrafi/