Mozilla lanson një produkt të ri për përdoruesit e biznesit – me pagesë

Mozilla ka lansuar në heshtje një produkt të ri për përdoruesit e biznesit, të cilët tani mund të blejnë mbështetje premium për Firefox.

Mbështetja e biznesit premium për Firefox kushton 10 dollarë për instalim të mbështetur dhe u ofron përdoruesve mundësinë për të regjistruar privatisht gabimet, të marrin azhurnimet e rëndësishme të sigurisë dhe të kenë qasje në një portal privat të konsumatorëve dhe aftësinë për të kontribuar me shërbimet e Firefox-it dhe udhërrëfyesit.

Sipas Mozilla, mbështetja për instalimet e Firefox do të vazhdojë për sa kohë që shërbimi po funksionon në pajisjet që plotësojnë kërkesat e sistemit.

Sistemet operative të Windows, Mac dhe Linux janë të listuara në kërkesat e sistemit, kështu që të gjitha platformat do të mbulohen nga mbështetja premium.

Produkti premium i Mozilla vjen vetëm disa ditë pasi kompania njoftoi se do të lansojë serish Pilot Test për Firefox, dhe programi i parë i testit do të jetë Rrjeti Privat i Firefox-it (një shërbim i paguar VPN). /kp/Telegrafi/