Modric refuzon ofertën e Realit për rinovimin e kontratës

Mediat spanjolle raportojnë se mesfushori kroat, Luka Modric, e ka refuzuar ofertën për rinovimin e kontratës me Real Madridin.

Futbollisti më i mirë në botë ka kohë që ka lënë të ardhmen e tij në pikëpyetje.

Në verën e këtij viti, skuadra italiane, Interi, tentoi transferimin e tij, por që u refuzuan nga Real Madridi.

Lexo po ashtu Fituesi i 'Topit të Artë', Luka Modric kishte një fëmijëri brutale – Ishte refugjat, gjyshin ia kishin qëlluar për vdekje në luftë dhe u refuzua disa herë nga disa klube kroate

E gjithë kjo pasi klubi mbretëror e shihte si të pa-shitshëm mesfushorin kroat, duke e mbajtur në skuadër.

Sipas gazetës AS, Real Madridi tani ka bërë ofertën e parë në drejtim të Modricit për rinovimin e kontratës.

Por, kroati ka hedhur poshtë ofertën për një zgjatjen e marrëveshjes së tij aktuale, e cila do të përfundojë në vitin 2020.

Lexo po ashtu Interi nuk heqë dorë nga 'ëndrra' Modric

Interi vazhdon të jetë i lidhur ngushtë me fituesin e Topit të Artë 2018 dhe ata pritet të dërgojnë një ofertë tjetër për nënshkrimin e tij verën e ardhshme.

Megjithatë, Madridi mund të jetë i gatshëm të bëjë një ofertë të dytë për Modricin, e cila përfshin një paketë më fitimprurëse të pagës, pasi ata synojnë të mbajnë lojtarët e tyre të çmuar. /Telegrafi/