Moderatori më i ri Omer Rexhepi këtë të dielë vjen në “Super Sfida Junior” (Foto)

Kërkesat dhe aplikimet e shumta të fëmijëve që të marrin pjesë në “Super Sfida Junior”, kanë bërë që producenti i shout më të madh më lojëra në televizionet shqiptare, Enis Ujkani, të mendoj edhe për më të vegjlit.

Për ta hijeshuar edhe më shumë shoun, kësaj radhe emisionin do ta moderoi vogëlushi simpatik, Omer Rexhepi. Këtë të dielë do të garojnë ekipi “Milenium” kundër ekipit “Formula 1”.

Për ekipin “Milenium” do të garojë: Orik Morina – aktori që e luan rolin e Andit, te seriali “Çka ka shpija”, Elvir Rexhepi – nxënësi më i dalluar në shkollën “Dardania” në Prishtinë, dhe talenti i aktrimit Shkëlqim Jashari, që ka qenë brilant edhe si pjesëmarrës në “Champion Quiz”.

Ndërsa ekipi “Formula 1” përbehet nga Pëllum Hajdari – kengetari i këngës së famshme “Qengji i vogël”, Airton Ahmeti – kampioni i Kosovës në carting, dhe misi i vogël Sara Kamberi.

Fëmijët do te garojnë në qendrën “Milenium” në Ferizaj, në lojëra shumë atraktive, të cilat ngjallin dramë dhe garë të fortë në mes garuesve./Telegrafi/