Miranda Kerr bëhet nënë për herë të tretë

Modelja e famshme australiane, Miranda Kerr, është bërë nënë për herë të tretë.

Supermodelja 36-vjeçare dhe bashkëthemeluesi i Snapchat, 29 vjeçar, Evan Spiegel, u bënë edhe me një djalë, teksa lajmin e ka konfirmuar një burim për People.

“Ne jemi të kënaqur me ardhjen në jetë të Myles dhe kështu vlerësojmë fjalët dhe dëshirat e gjithanshme të të gjithëve gjatë kësaj kohe të veçantë. Ne nuk mund të jemi më të entuziasmuar të mirëpresim djalin tonë të bukur në familjen tonë”, thonë çifti në një deklaratë.

https://www.instagram.com/p/B3qFy67Ba-f/

Kerr dhe Spiegel janë gjithashtu prindër të djalit Hart, një vjeç. Nëna e re e tre fëmijëve gjithashtu ka edhe një djalë tetë vjeç, Flynn me ish-burrin e saj, Orlando Bloom.

Lexo po ashtu Të gjitha lajmet nga Miranda Kerr

Modelja australiane dhe Spiegel u martuan në maj të vitit 2017 në një ceremoni të vogël, përfshirë miqtë, familjen dhe muzikantët Jason Mraz dhe Colbie Caillat.

Një burim pranë Kerr e konfirmoi për People në muajin mars se ajo dhe Evan janë në pritje të fëmijës së dytë. (Ylli i Victoria’s Secret solli djalin Hart më 7 maj, 2018).

https://www.instagram.com/p/B2AN9puBGN5/

Në ndërkohë, Miranda vite më parë ishte e martuar me Orlando Bloom dhe kanë qenë një nga çiftet më të përfolura në tabloidet e huaja.

Të njëjtit janë fejuar dhe martuar në vitin 2010 dhe më 2011 u ka lindur djali Flyn, kurse dyshja u shkurorëzuan tre vjet pas lidhjes së martesës. /Telegrafi/