Milani e do Kalinicin, marrëveshja mund të arrihet shumë shpejt

Drejtuesit e Milanit kanë pasur një takim mbrëmë (e premte) me Fiorentinën, por agjenti i Nikola Kalinicit nuk ka qenë aty për të diskutuar kushtet dhe është diskutuar vetëm me ndërmjetësin Fali Ramadani.

Sulmuesi kroat është në treg për shifrën e 30 milionë eurove, duke përfshirë bonuset, dhe kjo ka bërë që të hapet një ‘luftë’ e skuadrave nga San Siro.

Lexo po ashtu Conti afër mbylljes së marrëveshjes me Milanin

Drejtuesit e Rossonerëve u takuan me Fali Ramadanin mbrëmë (e premte), i cili po vepron si ndërmjetës për Fiorentinën, por pas largimit nga restoranti u tha gazetarëve se ishte vetëm një takim eksplorues.

Sipas Sky Sport Italia, agjenti i Kalinic, Erceg, nuk ishte dje në takim, por sot në mëngjes ka fluturuar drejt Milanos për të çuar përpara procesin.

Gazeta Corriere della Sera pretendon se Milani nuk është i gatshëm të paguajë më shumë se 25 milionë euro për Kalinic, ndërsa çmimi i kërkuar është të paktën 30 milionë.

Lexo po ashtu Milani pajtohet me Kalinicin, por Fiorentina kërkon ofertë më të lartë  

Rossonerët shpresojnë të përfshijnë Juraj Kucka ose Gianluca Lapadula në marrëveshjen për të ulur çmimin e kroatit.

Mediaset Premium sheh një hendek edhe më të madh, pasi sugjerojnë se propozimi i Milanit është diku midis 20-25 milionë euro.

Kaliniç aktualisht ka një rrogë prej dy milionë euro në vit me Fiorentinën, por do të donte që ai ta rriste atë të paktën në tre milionë euro. /Telegrafi/