Mihrije Braha: Tani është momenti që të gjithë ne të jemi ushtarë për ta luftuar COVID-19

Derisa masat janë ashpërsuar në luftën kundër COVID-19, fytyra të famshme publike vazhdimisht janë duke bërë thirrje që të qëndrojmë në shtëpi, në mënyrë që të mbrojmë veten dhe njerëzit përreth.

Një gjë të tillë së fundmi e ka bërë edhe këngëtarja Mihrije Braha, e cila inkurajon njerëzit të qëndrojnë brenda për të shpëtuar jetë.

Ajo përmes një postimi të publikuar në faqen zyrtare, Instagram, tregon se është vetë-izoluar që një muaj në Prishtinë.

https://www.instagram.com/p/B-85I22jHy6/

“Nëse keni ëndërru me qenë ushtar për të luftuar, tani është momenti që të gjithë ne të jemi ushtarë për ta luftuar Covid-19. Rri n’shpi ose knaqu n’shpi e shpëto jetë”, ka shkruar mes tjerash ajo.

Lexo po ashtu Të gjitha lajmet nga Mihrije Braha

Ndërkohë, Ministria e Shëndetësisë mbrëmë ka ndërmarrë masa të reja që kufizojnë lëvizjen e lirë të qytetarëve, duke lënë hapësirë për lëvizje vetëm 90 minuta, në bazë të numrit të parafundit të numrit personal.

https://www.instagram.com/p/B9-CAUlJHIH/

Sipas institucioneve, pjesa më e madhe e popullit po e respektojnë këtë thirrje, ndërsa policia e Kosovës po vazhdon të arrestojë persona të cilët nuk po iu nënshtrohen vendimeve për parandalimin e përhapjes së coronavirusit. /Telegrafi/