Mësuesit sherr me armë afër derës së shkollës ‘Çajupi’ në Tiranë, pjesë e konfliktit dhe një polic

Paraditen e së hënës gjashtë qytetarë janë përleshur me sende të forta pranë shkollës “Çajupi”, në rrugën “Kongresi i Manastirit”.

Burime për Euronews Albania kanë konfirmuar se ngjarja ka lindur për motive banale mes dy mësuesve të shkollës dhe më pas janë përfshirë familjarët e tyre.

Fillimisht kanë nisur goditjet me sende të forta brenda një kafeneje afër institucionit dhe më pas ka degraduar jashtë ambienteve të kafes.

Në konflikt ka qenë dhe një person i njohur si Çim Qefalia, polic ushtarak për të cilin ka dyshime se ka qëlluar me pistoletë në ajër, por fatmirësisht asnjë nga katër të plagosurit nuk ka pasur lëndime me armë zjarri. Qefalia mësohet të jetë i afërm i një prej mësuesve.

Policia bën me dije se 32-vjeçari me iniciale E.K., është dërguar në spital për të marrë trajtim spitalor.

Arma është sekuestruar dhe 5 persona janë shoqëruar, ndërsa dy efektivë të qarkullimit rrugor kanë ndërhyrë në kohë për të penguar përshkallëzimin e situatës.

https://youtu.be/ZbA_JhteSec