Messi: Nuk e konsideroj vetëm më të mirin, jam si lojtarët e tjerë

Për shumë kë, Lionel Messi është lojtari më i mirë i të gjitha kohërave, por ai vazhdon të mos e preferojë këtë epitet.

Argjentinasi flet se si ndjehet kur njerëzit e konsiderojnë më të mirin në botë.

Në fotografi te intervistës, ylli argjentinas ka dalë me dy keca dhe një cjap. Arsyeja është, sepse fjala “cjap/dhi” (goat) në gjuhën angleze përdoret edhe për “Gratest Of All Time” (më të mirin e të gjitha kohërave).

“Nuk e konsideroj vetën më të mirin në botë, jam sikurse lojtarët tjerë”.

“Në fushë të gjithë jemi të njëjtë kur ndeshja fillon”.

Si pjesë e intervistës Messi kishte një dhi në dorë, ndërsa foli edhe për dashurin e tij ndaj kafshëve.

“Jam fans i madh i kafshëve.  Jam rritur me to dhe kanë ndikuar shumë në jetën time. Tani ne e kemi një qen, Hulkun, që është pjesë e familjes tonë, gjithmonë është me ne”.

“Fëmijët tanë mësojnë shumë nga Hulk”.

Para fillimit të Kampionatit Botëror, ai ka folur edhe për Argjentinën e tij.

“Ne ende duhet të bëhemi më të fortë si një skuadër që të jemi në hap për të fituar dhe të jemi në të njëjtin nivel me ekipet e tjera si Franca, Gjermania, Brazili apo Spanja”.

“Ne kemi një grup të mirë lojtarësh dhe ekipi argjentinas gjithmonë do të jetë një kandidat për të fituar”.

Argjentina gjendet në një grup me Islandën, Kroacinë dhe Nigerinë. /Telegrafi/