Messi: Nuk e kam ditur që Neymar do të largohet deri në momentin e fundit

Lionel Messi thotë se nuk e ka ditur që Neymar do të bashkohet me Paris Saint-Germainin deri më minutën e fundit.

Braziliani u largua nga Barcelona në këtë verë për një rekord prej 222 milionë euro.

Marrëveshja ishte bërë e ditur në media, derisa zyrtare ishte kur Neymar shkoi në qendrën stërvitore të Barcelonës dhe e tregoi dëshirën për tu larguar.

Gerard Pique kishte thënë se ai në dasmën e Messit i kishte dhënë indikacione se do të largohej.

Messi, thotë se nuk ka ditur asgjë deri në momentin kur u largua.

“Të jem i sinqertë, nuk e kam ditur”.

Lexo po ashtu Neymar nuk e do Emeryn për trajner, këta janë emrat e mundshëm për zëvendësim

“Deri në ditën e fundit të turneut veror bisedonim, por nuk dinim asgjë. Ai thoshte se nuk e kishte të qartë dhe si do të rrjedhin gjërat. Të tjetër thoshin se e kanë ditur. Por deri në minutën e fundit, ne kemi folur normalisht”.

Luis Suarez e ka pranuar se ka biseduar me Neymarin pasi e morën vesh se ai do të largohet.

“Provuam që ta bindim që të qëndrojë dhe i thamë: Neymar mos shko sepse nuk do të jesh i lumtur”.

Lexo po ashtu Ramos: Dera është e hapur për Neymarin

“I treguam që nuk duam që ai të largohet, por nëse e dëshiron këtë je i lirë të marrësh vendimin. Për miqësinë që kishim ne, ishim të mërzitur që iku”, ka thënë Suarez.

Neymar prej kalimi te PSG ka shënuar 11 gola në 12 ndeshje.  /Telegrafi/