Meshkujt preferojnë femra inteligjente në lidhjet në distancë

Një studim i ri ka zbuluar se meshkujt preferojnë femrat që janë më inteligjente se ata, por vetëm në rastet kur përfshihen në lidhje në distancë, përndryshe ndihen të sfiduar

“Ne zbuluam se meshkujt preferojnë femrat që janë më inteligjente se ata në situata psikologjikisht të distancuara”, tha Lora Park, profesoreshë e asociuar në Departamentin e Psikologjisë në Universitetin e Bufalos dhe drejtuese e studimit.

Meshkujt mbështeten në preferencat e tyre ideale kur një femër është në kushte supozimi ose imagjinate. Në ndërveprimet e drejtpërdrejta, burrat e distancuan veten prej tyre dhe ishin më pak të interesuar kur një femër kishte inteligjencë më të lartë.

Studimi i ri nga Universiteti i Bufalos, që u publikua në revistën “Buletini i personalitetit dhe psikologjisë sociale”, arriti në përfundimin se distanca psikologjike luan një rol kyç në përcaktimin e tërheqjes.

Edhe pse kërkimi u përqendrua te tërheqja romantike, Park thotë se rezultatet mund të jenë një fenomen më i gjerë, duke u shtrirë në situata të tjera ndërpersonale.

Skuadra e Park kreu gjashtë studime të ndara, ku përfshiu 650 të rinj. Studimet variuan nga prezantimi i subjekteve me femra hipotetike, te femrat që ata prisnin të takonin dhe te biseda reale me një person.

“Në secilin rast, sa shumë pëlqen dikë apo sa je i tërhequr ndaj tij/saj, varet shumë nga fakti nëse inteligjenca e personit është në marrëdhënie të afërt me ty apo sa i afërt je me këtë person”, tha Park.

Por zona e performancës duhet të jetë diçka e rëndësishme për individin. Varet gjithashtu se sa i rëndësishëm është personi tjetër për ju. Nëse nuk ju intereson tjetri, mund të mos ndiheni të kërcënuar.

Por, nëse keni shumë interes për tjetrin, atëherë mund të preferoni atë cilësi te dikush që është larg, pasi ndiheni të kërcënuar kur ky person ju afrohet.

Por le të shohim më konkretisht se çfarë vëren një mashkull në takimin e parë me një femër:

Buzëqeshja

Goja e një zonjushe është shpesh pjesa e parë e trupit që një mashkull vëren. Jo vetëm buzët, por edhe dhëmbët i tregojnë shumë një mashkulli për statusin tuaj. Për më tepër, një buzëqeshje e ngrohtë dhe mirëkuptuese, është mënyra më e mirë e komunikimit.

E qeshura

E dyta në radhë, mënyra sesi qeshni është një nga tingujt që meshkujt e vërejnë që në fillim dhe që gjithashtu i bën ose jo ata për vete. Ky tipari juaj do ta bëjë atë të përcaktojë nëse do t’ju ftojë apo jo për të dalë.

Humori

Sensi juaj i humorit është diçka që një mashkull do ta vërente menjëherë te ju. Tregohuni të lirshme, por gërshetojeni këtë me një vetëpërmbajtje.

Sytë

Edhe pse ju mund të mendoni se personi që keni përballë i neglizhon ndonjëherë sytë për një aset tjetër të rëndësishëm tuajin, sytë janë pasqyra e shpirtit dhe nuk kanë sesi të kalojnë pa u vënë re.

Zëri

Ndërsa mund të mos jetë tipari fillestar që dikush vëren te ju, zëri është padyshim i pashpërfillshëm. Tonaliteti që ju do t’i jepni zërit tuaj gjatë bisedës me një mashkull, përcakton nëse po flirtoni apo jo.

Aroma

Aroma juaj shpesh është diçka që një mashkull e nuhat dhe mund ta kujtojë mirë, edhe pasi të ketë mbaruar takimi. Përdorni gjithnjë sapunë ose parfume për të krijuar një kujtim të mirë te tjetri. /Telegrafi/