Mes spekulimeve që e lidhin me Real Madridin, agjentja e Haalandit flet për të ardhmen e sulmuesit

Në një bisedë mbi spekulacionet e kalimit të Erling Haaland te Real Madrid në të ardhmen, agjentja e tij, Rafael Pimenta, u shpreh për Relevo se sulmuesi ka fatin e tij në duar.

“Atë që dua të them është se duhet të përdorësh ekuilibrin. Ne, klubi dhe lojtari, jemi të gjithë në të njëjtin anije. Gjërat duhet të diskutohen dhe të trajtohen në mënyrë që të gjithë të jenë në rregull”, ka thënë fillimisht ajo.

“Kur të gjithë janë të gatshëm të bëjnë ndryshimin, do të bëhet. Ai nuk është tipi i lojtarit që do të thotë ‘Po largohem, mirupafshim, nuk dua të di gjë'”.

Lexo po ashtu Situata komike që krijoi Cole Palmer në derbin Chelsea-Man City, Haaland intervenoi menjëherë

“Ai do të bëjë gjithmonë atë që është e mirë për të dhe për Manchester Cityn. Kur të gjithë janë të hapur të bëjnë ndryshimin, do të ndodhë. Erling do të jetë gjithmonë i respektueshëm”.

Pimenta gjithashtu u pyet nëse Haaland është plotësisht i lumtur dhe i kënaqur te Man City, duke shtuar: “Duhet t’a pyesni atë. Unë nuk po them të kundërtën; e di këtë, por nuk flas për të tjerët”.

Lexo po ashtu Football Manager parashikon dhjetë fituesit e ardhshëm të Topit të Artë nga viti 2024 deri në 2033

“Unë shoh një rrugë të qartë: rezultate të mëdha sportive vijnë kur je i lumtur. Ndjenja e mirë, energjia dhe pastaj gjërat ndodhin”, vazhdoi ajo.

Haaland është i kontraktuar të qëndrojë në Man City deri më 2027 dhe ende nuk ka dhënë një deklaratë zyrtare në lidhje me të ardhmen e tij. Sipas raportimeve ai do të ketë një klauzolë lirimi prej 200 milionë eurosh që aktivizohet në 2024, dhe mbetet të shihet nëse Real Madrid do të jetë në gjendje ta nënshkruajë atë në një të ardhme të afërt. /Telegrafi/