Mertens pranon kushtet e Interit, transferohet si lojtar i lirë?

Mediat italiane raportojnë se sulmuesi belg i Napolit, Dries Mertens, tashmë ka pranuar të bashkohet me Interin si lojtar i lirë verën e ardhshme për një pagë prej gjashtë milionë eurosh në sezon.

Sipas mediumeve Corriere dello Sport dhe Gazzetta dello Sport, belgu ka pranuar kushte personale për të mbetur në Serie A me fanellën e Nerazzurrëve.

Do të ishte një kontratë dy-vjeçare me mundësi vazhdimi për vitin e tretë, me vlerë gjashtë milionë euro në sezon, përfshirë bonuse të ndryshme.

Lexo po ashtu Dries Mertens thyen rekordin e Diego Maradonas

Pasi Mertens do të jetë 33 vjeç në fund të këtij sezoni, marrëveshja mund të përfshijë gjithashtu një transferim të ardhshëm tek klubi simotër i Interit, Jiangsu Suning, në Kinë.

https://twitter.com/InsiderlyNews/status/1193452479922331648

Mertens ka qenë në Napoli që nga viti 2013 kur mbërriti nga PSV Eindhoven, por kontrata e tij do të skadojë në qershor të vitit 2020.

Presidenti Aurelio De Laurentiis në mënyrë të përsëritur ka thënë se nuk dëshiron ta mbajë Mertensin me pagën e tanishme dhe vetëm do të rinovojë me atë dhe Jose Callejon vetëm me një marrëveshje të re me ulje të jashtëzakonshme page.

Lexo po ashtu Dy super formacionet me lojtarët që mbesin të lirë në verë

Ylli belg do të jetë i lirë të fillojë negociatat për një kontratë me një klub tjetër nga janari dhe Corriere dello Sport pohon se tashmë ai është afruar nga Interi i Antonio Conte.

Duke pasur parasysh këtë, Napoli mund të përpiqet të shes Mertensin në afatin kalimtar të janarit për të fituar të paktën pak para. /Telegrafi/