Mercedes-AMG konfirmon se do ta lansojë kupenë me 557 kuajfuqi (Foto)

Kompania gjermane ka bërë të ditur se gjatë vitit të ardhshëm do ta lansojë modelin GT C që do t’i ketë 557 kuajfuqi.

Kupeja e punuar me metal të lehtë të përbërë nga fibrat e karbonit, do të ketë edhe shumë formësime që ia rrisin aerodinamikën, transmeton Telegrafi.

Automobili luksoz me dy dyer, e ka një grill gjigant, kurse pjesa e pasme që është shumë e rrumbullakuar  e ka edhe një krah sipër. Tavani ka mundësi që të hapet, me anë të një mekanizmi shumë të shpejtë.

Nuk bëhet e ditur sa kushton makina 4.0-litra turbo-dyshe V8. /Telegrafi/