Vajzat anembanë botës janë dashuruar me këtë kombinim që bashkon praktiken me elegancën - dhe ja pse duhet ta provoni edhe ju!
Xhinse të shkurtra të kombinuara me një këmishë mëndafshi të tejdukshme, më mëngë të gjata apo me prerje moderne në supe, ky është një stil që ka pushtuar rrjetet sociale dhe rrugët e qyteteve këtë verë. Mëngët në formë zileje, detajet romantike dhe materialet lehtësisht të tejdukshme e bëjnë këtë kombinim tërheqës dhe funksional.
Pse funksionon kaq mirë ky stil?
Sepse bashkon më të mirën nga të dy botët: mbrojtjen nga dielli në pjesën e sipërme të trupit dhe lirshmërinë për këmbët që nxihen më ngadalë. Për më tepër, kjo është një zgjidhje ideale për ata që duan të ndihen të freskët, pa hequr dorë nga stilimi me klas, transmeton Telegrafi.
Zgjidhni këmisha me ngjyra neutrale apo pastel, xhinse me bel të lartë dhe aksesorë minimalistë, si një çantë e vogël krahu apo sandale të lehta, për ta kompletuar pamjen. Dhe mos harroni: një palë syze dielli dhe buzëqeshje vetëbesuese janë gjithmonë në modë!
Nëse merrni frymëzim nga blogeret dhe influencueset e njohura botërore, nuk do të gaboni. Ato jo vetëm që përcaktojnë tendencat, por dinë edhe si ta bëjnë një veshje të zakonshme të duket si nga pasarela. Prandaj, këtë verë guxoni me kontraste – dhe shijoni komplimentet!
