Menaxheri i Pogbas ‘sulmon’ analistin e njohur anglez Lineker

Mino Raiola i ka dalë në mbrojtje Paul Pogbas, pas sulmeve të ish futbollistit dhe tani analistit Gary Lineker.

Lineker kishte thënë ditë më parë se Pogba nuk i meriton parat për të cilat flitet se do të shitet.

Agjenti i Pogbas, Mino Raiola, ka folur për të në Rai Sport, duke thënë se Lineker nuk e ka idenë se për çfarë flet.

“Nëse flet për diçka që paguhesh, nuk do të thotë që i di të gjitha dhe e ke mirë. Lineker është një prej tyre”.

“Duke i parë cilësitë e Pogbas dhe çmimet që po sillen në Evropë, unë mendoj që Pogba është i nënvlerësuar”.

Klikoni për të gjitha lajmet nga TRANSFERIMET

“Sa vlen Pogba? Maksimumi i çmimit që klubet po përgatiten ta paguajnë”.

“Shiko lojtar që janë në bankë te Belgjika dhe Olympique Marseille, klubet shpenzojnë në ta 40 milionë euro”, duke aluduar në Michy Batshuayi që pritet të kalojë te Chelsea.

“Kur Gary Lineker flet për Pogban, nuk e ka idenë se për çka po flet. E mbaj mend kur kishte thënë se nëse Claudio Ranieri e fiton Ligën Premier me Leicester Cityn, do ta bëjë emisionin e tij me të brendshme. Kjo tregon gjithçka për të”, ka mbaruar Raiola. /Telegrafi/