Mediumet spanjolle dhe italiane: Real Madridi e pranon ofertën e Juventusit për Ronaldon

Emisioni spanjoll El Chiringuito raporton se Real Madridi e ka pranuar ofertën e Juventusit prej 100 milionë eurove  për Cristiano Ronaldon.

Bianconerët tash e një kohë janë vënë pas yllit portugez për të cilën janë gati të paguajnë pagë vjetore 30 milionë euro.

Mësohet se paga e tij do të paguhet në bashkëpunim me kompaninë Exor, që ka nën menaxhim marka si FIAT dhe Ferrari.

Lojtari ka pasur klauzolë prej 1 miliard euro por që në një ‘marrëveshje xhentëlmenësh’ mes tij dhe klubit ai do të largohej për 100 milionë euro.

Sipas El Chiringuito, oferta e Juventusit për Ronaldo që të largohet nga Real Madrid është pranuar.

Presidenti Andrea Agnelli sot ka udhëtuar për në Greqi ku gjendet edhe Ronaldo, ndërsa gjatë ditës do të bashkohet dhe Jorge Mendes.

Edhe eksperti i afatit kalimtar Gianluca Di Marzio është i bindur që 100 milionë eurot janë pranuar nga klubi mbretëror.

Dyshja e Juves, Giuseppe Marotta dhe Fabio Paratici, janë duke e pritur dritën e gjelbër nga Mendes që të mbyllet transferimi./Telegrafi/