Mbretëresha daneze njoftoi papritur se po largohet nga froni pas 52 vjetëve

Mbretëresha e Danimarkës, Margrethe II-të ka njoftuar abdikimin e saj të papritur në një fjalim televiziv për vitin e ri.

Ajo do të heqë dorë nga froni më 14 janar, gjegjësisht 52 vjet nga dita që kur u bë Mbretëreshë, raporton bbc.

Djali i saj i madh, Princi i Kurorës, Frederik, do të marrë rolin e Mbretit pas largimit të Margrethe II-të, transmeton Telegrafi.

“Unë do t’ia lë fronin djalit tim, princit të kurorës Frederik”, tha ajo.

Këtë vit, përveç njoftimit, Mbretëresha foli gjithashtu për luftërat në Lindjen e Mesme dhe Ukrainë, si dhe rëndësinë e trajtimit të ndryshimeve klimatike.

BREAKING: Denmark's Queen Margrethe II has announced she will abdicate on January 14th after 52 years on the throne. The Queen delivered the surprise decision during a live TV new year address.pic.twitter.com/s2E8iZ8lau

— Cameron Walker (@CameronDLWalker) December 31, 2023

Duke u përballur me sfida të ngjashme të shoqërisë moderne si familjet e tjera mbretërore në të gjithë Evropën, familja mbretërore daneze ka vendosur të zvogëlojë numrin e anëtarëve mbretërorë.

Kjo shkaktoi në një përçarje shumë të madhe vitin e kaluar pasi fëmijëve të vëllait të vogël të Princit të Kurorës Frederik, Princit Joakim iu hoqën titujt mbretërorë.

Ndryshe, 83-vjeçarja është monarkja më jetëgjatë në historinë daneze, duke marrë fronin pas vdekjes së babait të saj, mbretit Frederik IX në 1952.

Rekordi mbahej më parë nga Christian IV, i cili, ndërsa sundoi teknikisht për 60 vjet, sundoi vetëm për 51 vjet e gjashtë muaj, pasi ishte fëmijë në fillimet e mbretërimit të tij. /Telegrafi/