Mbi 900 mijë njerëz kanë vdekur nga coronavirusi në SHBA

Pandemia e coronavirusit në SHBA arriti një tjetër shenjë të keqe të premten – numri i përgjithshëm i vdekjeve nga COVID-19 kaloi 900 mijë.

Sipas të dhënave të Reuters të mbledhura çdo ditë nga raportet federale, numri i përgjithshëm i amerikanëve që humbën jetën për shkak të virusit nga rasti i parë i infeksionit në fillim të vitit 2020 deri në këtë të premte arriti të paktën 904,067, që është më shumë se popullata e Dakotës Veriore.

Kështu, Shtetet e Bashkuara shënojnë numrin më të madh të vdekjeve nga coronavirusi në botë, të ndjekura nga Rusia, Brazili dhe India, të cilat së bashku regjistrojnë më shumë se 1.8 milionë vdekje, shkruan cnn.

Megjithatë, kur shikohet numri i vdekjeve nga coronavirusi për kokë banori, Shtetet e Bashkuara janë në vendin e 20-të, shumë poshtë Perusë dhe Rusisë, të cilat kanë numrin më të lartë të vdekjeve sipas këtij kriteri.

Në SHBA, numri i personave të infektuar të konfirmuar mesatarisht është rreth 354 mijë në ditë, gjysma e dy javëve më parë dhe shumë më poshtë pikut prej gati 806 mijë të infektuar në ditë në kulmin e valës së pestë të pandemisë së mesit të muajit janar. /Telegrafi/