Mbi 54% e investimeve të huaja investohen në patundshmëri (Video)

Investimet e huaja sipas drejtuesve të Bankës Qendrore janë rritur. Por për të pasur më shumë investime të huaja duhet të kemi më shumë stabilitet të përgjithshëm.

Por shumica prej 140 milionë euro sa kanë qenë deri n ëmuajin qershor shkojnë në patundshmëri.

“Investimet e huaja direkte ndikojnë në zhvillimin ekonomik, pa ashtu janë edhe stabiliteti i përgjithshëm që ndikojnë për të pasur më shumë investime të huaja direkte në Kosovë. Investimet e huaja janë rritur për 64.2 për qind, krahasuar me periudhën deri në qershor 2016”, ka bërë të ditur Fehmi Mehmeti, ushtrues i detyrës së Guvernatorit të BQK-së gjatë një interviste për Telegrafin.

E sektori i cili prinë sipas tij, me investime të huaj është sektori i patundshmërive. “Prej 140 milionë euro të investimeve të huaj 54.2 për qind prej tyre janë të dedikuar në patundshmëri, shërbime financiare, ndërtimtari dhe kategori të tjera”, tregon Mehemti.

E shtet nga të cilat vijën më së shumti investime të huaja janë Gjermania, Zvicra, Shqipëria si dhe pjesa dërmuese e tyre nga Turqia. /Telegrafi/