LAJMI I FUNDIT:
Gjilani 7° cloudy

Mbi 300 biznese regjistrohen në veri për 6 muaj, hapet zyra e ARBK-së në Leposaviq

Mbi 300 biznese regjistrohen në veri për 6 muaj, hapet zyra e ARBK-së në Leposaviq

Komuna e Leposaviqit edhe zyrtarisht ka hapur pikën ku bizneset mund të shkojnë dhe regjistrohen në Agjencisë së Regjistrimit të Bizneseve të Kosovës. Një e tillë deri më tani ka funksionuar vetëm në Mitrovicën e Veriut, ku për gjashtë muaj janë regjistruar 313 biznese, sipas zyrtarëve të asamblesë parlamentare.

Në lokalin ku qëndruan personat që nuk lejonin kryetarin Lulzim Hetemi të futej në objektin e komunës së Leposaviqit një vit më parë, tashmë pronarët kanë kërkuar të regjistrohen si biznes pikërisht tek kryetari aktual.

Kjo pasi që aty janë hapur këtë javë zyrat e Agjencisë së Regjistrimit të Bizneseve, që i mundëson secilit biznes të regjistrohet e të paguajë tatim në institucionet e Kosovës.


Në kohën kur televizioni ishte aty, zyrat ishin të mbyllura nën arsyen se ishin në pauzë, edhe pse nuk ishte koha e kësaj të fundit.

Edhe kur erdhi, e shkoi koha e pauzës zyrat e ARBK-së nuk u hapën.

Megjithatë është nënkryetarja e kësaj komune Mariana Bogojeviq, që thotë se ka interesim për regjistrim të bizneseve në këtë komunë.

“Në komunën tone vepron ARBK-se, ata kanë leje të lëshojnë certifikata , por edhe kanë të drejtë për t’i mbyllur bizneset, deri më tani në numër më të vogël po mbyllen dhe më shumë po hapën”, ka deklaruar Bogojeviq.

Bogojeviq shton se momentalisht nuk dalin në teren, por që bizneset duhet të shkojnë për tu regjistruar.

“I marrim kodet që regjistrohet biznesi dhe të njëjtat dërgohen në Prishtinë, orari i punës është prej orës 8 deri ne 4. Numër të saktë nuk kam momentalisht te bizneseve qe jane regjistruar, nuk kemi staf për të dal në terren dhe verifikuar ose regjistruar bizneset. Ata duhet të vijnë në objektin e komunës”, ka vijuar ajo.

Sikur komuna e Leposaviqit, nuk e kanë fatin e njëjtë edhe ato të Zubin Potokut e Zveçanit.

Qytetarët e këtyre komunave duhet të shkojnë në Mitrovicën e Veriut që të regjistrojnë bizneset e tyre.

Numri i bizneseve të regjistruara në gjashtë muajt e parë të këtij viti, sipas anëtarit të asamblesë komunale, Betim Osmani, është numër i kënaqshëm.

“Vetëm sa i shikum në regjistrat e komunës, diku 313 biznese janë të regjistrume që prej janarit të këtij viti, kurse kanë pas dëshirë edhe të tjerat për ndërrim të dokumentacionit, për regjistrim, për zgjerim te hapësirës, ka interes të mjaftueshëm. Shpresoj që tash edhe komuna e Leposaviqit e ka hap zyrën e vet”, ka deklaruar Osmani.

Osmani insiston se duhet të ketë ndihmë nga niveli qendror në rritjen e numrit të punëtorëve.

Zyrat e ARBK-së janë hapur në 15 janar të 2024-tës në Mitrovicën e Veriut./RTV Dukagjini/

Në trend

Më shumë
Zbulohen prapaskena befasuese: Me vetëm një telefonatë, Perez ndikoi që dy lojtarë të Barcelonës ta kalojnë regjistrimin

Zbulohen prapaskena befasuese: Me vetëm një telefonatë, Perez ndikoi që dy lojtarë të Barcelonës ta kalojnë regjistrimin

La Liga
Ndodhet akoma në Big Brother - publikohet data e koncertit të parë të Gjestit

Ndodhet akoma në Big Brother - publikohet data e koncertit të parë të Gjestit

Magazina
'Objektivi më i afërt': Pse Donald Trump është kaq i fokusuar në Kanadanë?

'Objektivi më i afërt': Pse Donald Trump është kaq i fokusuar në Kanadanë?

Botë
Ulet pranë Gjestit, Xheneta: Dikush m’i ka puthur këta gishta të këmbës

Ulet pranë Gjestit, Xheneta: Dikush m’i ka puthur këta gishta të këmbës

Magazina
Ishte apo jo prekje e dyfishtë nga Alvarez? TNT Sports publikon pamje të reja për t'u dhënë fund debateve

Ishte apo jo prekje e dyfishtë nga Alvarez? TNT Sports publikon pamje të reja për t'u dhënë fund debateve

Liga e Kampionëve
Trump me detaje të reja rreth marrëveshjes së armëpushimit në Ukrainë

Trump me detaje të reja rreth marrëveshjes së armëpushimit në Ukrainë

Evropa
Kalo në kategori