Mbappe dhe Haaland: Tri ospionet se si mund të duket formacioni i Real Madridit në sezonin 2022/23

Kylian Mbappe dhe Erling Haaland konsiderohen gjerësisht si dy lojtarët që mund të marrin përsipër ‘trashëgiminë’ nga Lionel Messi dhe Cristiano Ronaldo si lojtarët më të mirë në botë.

Të dy aktualisht po tërheqin shumë klube pas vetes nga pesë ligave më të mira të Evropës, me yllin e Paris Saint-Germain që pritet t’i bashkohet Real Madridit këtë verë.

Por, ai mund të mos jetë superylli i vetëm që nënshkruan për Los Blancos, me thashethemet që qarkullojnë se Haaland gjithashtu mund të jetë në rrugën e tij për t’u transferuar në Santiago Bernabeu.

Me atletizmin e tij jashtëzakonisht të mirë, fuqinë elitare dhe cilësitë e golave, klube si Manchester City, Manchester United dhe Barcelona kanë qenë të gjithë në bisedë për të nënshkruar me Haaland.

Por, sipas gazetës Marca, kryesuesi për të siguruar tashmë nënshkrimin për norvegjezin është Real Madridi.

Sa mund të kushtojë nënshkrimi me Mbappe dhe Haaland?

Duket se mund të jetë një verë e shtrenjtë për gjigantët e La Ligës nëse duan të sigurojnë të dy lojtarët në afatin kalimtar të verës.

Ndërsa kontrata e yllit të PSG-së përfundon në fund të këtij sezoni, kontrata e sulmuesit të Dortmundit nuk skadon deri në verën e vitit 2024.

Kjo do të thotë se transferimi i Haaland duhet të paguhet, me Real Madridin pa dyshim që duhet të thyejë bankën për të nënshkruar me lojtarin, të cilin TransferMarkt aktualisht e vlerëson në 135 milionë funte.

Me pagat e tij dhe të Mbappes të kombinuara, klubi spanjoll do të duhet të lirojë disa lojtarë në mënyrë që të rikuperojë financat e mjaftueshme për të nënshkruar me dyshen.

Gareth Bale, Marcelo dhe Isco ka të ngjarë të lirohen nga klubi këtë verë, gjë që do të pastronte shumë emra nga fatura e tyre aktuale e pagave.

Ndërkohë, Real Madridi gjithashtu mund të largojë lojtarë si Eden Hazard dhe Dani Ceballos dhe të mbledhë rreth 40 milionë euro nga shitja e tyre.

Lexo po ashtu Mbappe jep ‘miratimin’ e tij për transferimin e Haalandit te Real Madridi

Si mund të rreshtohej Real Madridi me dy sulmuesit në skuadrën e tyre?

Ideja që Mbappe dhe Haaland të mbërrijnë në klub është padyshim një gjë emocionuese për çdo tifoz futbolli, por në veçanti për ata të Los Blancos.

Faqja e njohur sportive GiveMeSport, ka publikuar një artikull me tri formacionet e mundshme të 34 herë kampionëve spanjollë për sezonin e ri, ku në të përfshihen Mbappe dhe Haaland.

Formacioni 1: 4-3-3 me Benzeman në stol

Formacioni i Mbretërve është mjaft i frikshëm tashmë, pa pasur nevojë të inkorporojë emra si Haaland dhe Mbappe në formacion titullar .

Ardhja e dy sulmuesve të rinj mund t’i shkaktojë Carlo Ancelottit një dhimbje koke të madhe në përzgjedhje, veçanërisht me qendërsulmuesin e tyre aktual, Karim Benzema, i cili po vazhdon të shënojë pa fund.

Benzema ka shënuar 22 gola deri tani në La Liga dhe 34 herë në të gjitha garat dhe pa dyshim do të ishte mentori i përsosur për të ndihmuar të riun Haaland të përsoste zanatin e tij si qendërsulmues elitar.

Megjithatë, për fat të keq, Benzema mund të mos jetë në gjendje të luajë përgjithmonë për Real Madridin, dhe Haaland ka të ngjarë të zërë vendin e tij në sulm me Mbappen dhe Vinicius Jr nga krahët.

Formacioni 2: 4-4-2 me dy sulmues qendre

Një çështje që do ta zgjidhte atë dhimbje koke për trajnerin Ancelotti është thjesht të luajë me Haaland dhe Benzema së bashku në qendër të sulmit.

Me këta të dy në qendër, Vinicius dhe Mbappe mund të duhet të ulen pak më mbrapa në fushë, duke qenë anësor më tipik krahasuar me formacionin 4-3-3.

Megjithatë, mbetet për t’u parë nëse Benzema dhe Haaland do të plotësojnë njëri-tjetrin, por ky formacion do të fuste frikë në zemrat e shumë mbrojtësve në mbarë botën.

Formacioni 3: 4-2-3-1 me një sulmues të vetëm

Ngjashëm me formacionin 4-3-3, Real Madridi gjithashtu mund të luajë me Haaland si një sulmues i vetëm në krye të sulmit.

Përsëri kjo do të sakrifikonte Benzemën në stol, por pas 70 minutash, kur mbrojtësit janë të lodhur dhe janë më të prirur për gabime, nuk ka lojtar më të mirë për të futur në fushë dhe për të shkaktuar tronditje brenda zonës.

Në këtë formacion, Haaland është në krye dhe përsëri është i rrethuar nga Mbappe dhe Vinicius, si dhe një mbështetje e madhe nga treshja e fuqishme Toni Kroos, Luka Modric dhe Casemiro në mesfushë.

/Telegrafi/