Mauro Icardi tha se zona e ndëshkimit "është shtëpia ime" dhe beson se "mund të bëjë shumë më tepër" me Interin dhe Argjentinën.
Sulmuesi ka mbushur 25 vjet muajin e kaluar dhe deri më tani ka shënuar 104 në ligën elitare italiane.
"Zona e ndëshkimit është vendi ku ndihem i lumtur, pasi jam sulmues dhe kam nevojë të shënoj gola. Kjo është shtëpia ime", tha Icardi për Inter TV.
"Zona e penaltisë është një përgjegjësi e madhe sepse i gjithë ekipi varet nga unë. Jam mësuar të jem nën presion, kur e sheh portierin, shumë gjëra kalojnë në mendjen tënde në ato momente".
(Getty Images)
Icardi ka shënuar katër gola kundër Sampdorias, por kjo nuk mjaftoi që të ftohet në kombëtaren argjentinase.
"Jam përmirësuar në shumë mënyra, para së gjithash tani jam i relaksuar në fushë sesa në fillim të karrierës. Jam 25-vjeçar dhe mund të bëj shumë më tepër. Gjithmonë pranoj këshilla nga shokët e ekipit dhe trajnerët e mi".
"Ëndrra ime është që të shënoj gol në Ligën e Kampioneve ose në Kupën e Botës, një lojë që është aq e rëndësishme, se do të mbetet në histori", tha sulmuesi.
Theksojmë se futbollisti deri më tani nuk ka luajtur në ligën elitare për klube si dhe në botërorin për kombëtaret. /Telegrafi/
