Policia e Kosovës ka njoftuar për një rast të në Kaçanik ku është shoqëruar në Polici një person i dyshuar për materiale me përmbajtje të shfrytëzimit dhe keqpërdorimit seksual të fëmijëve.
Rasti ka ndodhur në Kaçanik, të enjten në ora 13:00.
“Është arritur të identifikohet dhe të shoqërohet i dyshuari mashkull kosovar, nën dyshimin se ka kryer veprën e lart-cekur”, thuhet në raport.
Si prova materiale janë sekuestruar dy telefona mobil.
Me vendim të prokurorit i dyshuari është liruar dhe rasti shkon në procedurë të rregullt. /Telegrafi/
