Masakra në Zelandë të Re, autori kishte në plan të vriste Merkel dhe Erdogan – zbulohet çfarë tjetër “në mendje” kishte terroristi

Një seri postimesh nga ana e një burri australian të lidhur me sulmet e Christchurch gjatë dy ditëve të fundit po ndihmojnë policinë të bashkojë rrjedhën e ngjarjeve.

Sipas mediave të huaja, përcjell Telegrafi, Brad Tarrant i cili me gjakftohtësi vrau 49 besimtarë brenda xhamisë Al Noor në qytetin Christchurch në Zelandë të Re, kishte filmuar gjithçka live në Facebook.

Brenton Tarrant, 28 vjeç, postoi fotografi të arsenalit të tij përkrah manifestit 74 faqesh ku e përshkroi veten si “një njeri i zakonshëm i bardhë, 28 vjeç. I lindur në Australi në një familje me të ardhura të ulëta”.

Lexo po ashtu Njëri nga autorët e masakrës në dy xhamitë në Zelandë të Re, dëgjonte këngë serbe kushtuar kriminelit të luftës Radovan Karaxhiq (Video)

Ai tha se dy ngjarje shkaktuan sulmin e vetë-përshkruar të hakmarrjes – “Terrori i kamionit në vitin 2017 në Suedi… dhe rezultati i zgjedhjeve franceze në të njëjtin vit”.

Në postet ai foli gjerësisht për “supremacinë e bardhë”, “normat e fertilitetit” dhe “pushtuesit e huaj”, duke e quajtur veten një “luftëtar në uniformë në një luftë”.

Kryeministri Scott Morrison, megjithatë, i dha atij një emër tjetër, duke e quajtur Tarrantin “një terrorist i dhunshëm, ekstremist i djathtë”.

Tarrant nuk tregoi keqardhje për veprimet e tij në postet e tij.

“Do të doja të kisha vrarë më shumë pushtues, dhe më shumë tradhtarë”, tha ai. “Asnjë grup nuk urdhëroi sulmin tim, e mora vetë vendimin”.

“Zelanda e Re nuk ishte zgjedhja origjinale për sulmin, unë arrita në Zelandën e Re vetëm për të jetuar përkohësisht ndërsa planifikova dhe stërvitesha”. “Fillova të planifikoj një sulm rreth dy vjet më parë dhe një sulm në Christchurch tre muaj më parë”. “Fillimisht xhamia në Dunedin ishte objektivi kryesor”. “Është një sulm terrorist. Unë jam një racist”.

Lexo po ashtu Rrëfimet e të mbijetuarve të sulmeve në xhamitë e Zelandës së Re: Lutesha që të mbetej pa plumba (Video)

Përkundër këtyre, sipas thewest.com.au, përcjell Telegrafi, ai kishte edhe objektiva të tjerë, përfshirë figura të njohura botërore.

Siç thuhet tutje, ndër objektivat ishte edhe kancelarja gjermane Angela Merkel, presidenti turk Rexhep Erdogan, si dhe kryebashkiaku i Londrës, Sadik Khan.

Ndër heronjtë e tij, Tarrant e renditi Anders Breivik, i cili vrau 77 njerëz në Norvegji në vitin 2011.

Në manifestin e tij të çuditshëm ai foli për tema shumë të palidhura, duke përfshirë kontrollin e armëve në Shtetet e Bashkuara.

Ai gjithashtu tha se shpresonte të mbijetonte sulmin dhe se ai kishte ndërmend të deklarohej jo fajtor.

Por ai, shkoi shumë larg – parashikoi se do të lirohet nga burgu pas 27 vjetësh, ashtu si Nelson Mandela dhe pretendoi se ai meritonte një Çmim Nobel për Paqe. /Telegrafi/