Marc Cucurella dhe ftesa nga Eibar që i ndryshoi jetën: Nga 2 milionë euro, sot ai kushton 68 dhe është spanjolli i dytë më i shtrenjtë në histori

Marc Cucurella tani vlen 68 milionë euro ose të paktën kjo është ajo që thuhet se Chelsea do të paguajë te Brighton për nënshkrimin e tij.

Katër vjet më parë, Cucurella ishte një nga ata lojtarë që herë pas here shfaqeshin në seancat stërvitore të ekipit të parë të Barcelonës.

Riqui Puig, Miranda, Carles Perez dhe Abel Ruiz ishin ata që morën lëvdata në skuadrat e të rinjve të klubit të Barcelonës dhe anësori ishte në pritje të asaj mundësie që nuk erdhi kurrë nga klubi amë.

Në vetëm dy orë dhe disa takime, Cucurella mori një kthesë në jetën e tij – që me kalimin e kohës do t’i hapte dyert e asaj që ai mund të ishte: lojtari i dytë spanjoll më i shtrenjtë në histori pas Kepa Arrizabalaga.

Fundi i afatit kalimtar veror në vitin 2018 po afrohej dhe papritur Eibar u shfaq në jetën e lojtarit. Drejtuesit e klubit me Fran Garagarza në krye, marrin propozim për të pëtforcuar krahun e majtë të mbrojtjes. Gjithçka ishte gati.

Dy emra në tavolinë: Daniel Lasure dhe Marc Cucurella, lojtarët e Zaragoza dhe Barcelona B.

“Ne besuam se skuadra kishte nevojë për diçka më shumë. Cote ishte aty, por menduam se duhej të forconim pozicionin. Klubi i njihte të dy dhe zgjedhja ishte e shpejtë”, tregon Garagarza.

Ashtu siç ishin negociata me Barcelonën. Huazim me opsion blerje për 2 milionë euro dhe riblerje të klubit katalanas për 4 milionë euro. Të gjithë të lumtur.

Garagarza kujton kohën kur Cucurella erdhi në Eibar, duke shtuar se kishte gjithçka që i duhet një lojtarit, përveç përvojës, pasi për profesionalizmin e tij kishte njohuri që moti.

Eibarit iu desh pak kohë për të përdorur klauzolën e blerjes, si Barcelona për të ushtruar opsionin e riblerjes. Paraqitjet e lojtarit ishin të jashtëzakonshme në 31 ndeshjet e kampionatit, duke ndihmuar Eibar të përfundonte në mes të tabelës dhe duke gjeneruar një fitim kapital prej 2 milionë euro.

Në verën e vitit 2019, Barcelona përsëriti operacionin me Cucurellan, në këtë rast e shiti te Getafe në këmbim të 10 milionë eurove, që shkuan në 18.5 milionë në afatin kalimtar të verës së kaluar, pikërisht kur Angel Torres mbylli transferimin te Brighton. Në vitin e tij të parë në Ligën Premier ai i ka bindur të gjithë, aq sa Chelsea pagoi 68 milionë euro.

Kjo rritje spektakolare e një lojtari 24-vjeçar të sapo kthyer mund të mos kishte ndodhur nëse, në verën e 2018, Fran Garagarza nuk do të kishte bërë punën e tij të zakonshme në terren përpara se të negocionte transferimin, domethënë të takonte futbollistin në fjalë dhe të kuptonte se kishte të bënte me një profesionist në kuptimin e gjerë të fjalës. /Telegrafi/