Maqedoni: KSL sot në protestë para Kuvendit dhe Qeverisë

Konfederata e Sindikatave të Lira (KSL) sot nga ora 16:00 do të mbajë protestë me automjete me të cilën do ta shprehë pakënaqësinë nga mungesa e dialogut social, mosrespektimi i të drejtave të punëtorëve dhe rritjen e fundit të pagës minimale.

Protesta do të fillojë në hotelin “Vip” përballë Televizionit të Maqedonisë, ndërsa do të vazhdojë përmes bulevardit “Koço Racin”, deri në Kuvend ku është planifikuar fjalim. Pastaj, do të vazhdojë deri tek Qeveria.

Për protestën janë njoftuar sindikatat ndërkombëtare dhe të gjitha sindikatat e brendshme, si dhe organizatat e shoqërisë civile për mbrojtjen e të drejtave të punëtorëve.

Protesta do të mbahet nën moton “Mjaft më. E keni tepruar”.

“Ne kemi thënë shumë herë deri më tani se nuk ka dialog social në vend, ai është shkatërruar. Ekziston vetëm një dialog zyrtar social, nuk ka dialog thelbësor social, një dialog social ku duhet të bëjmë fotografi ose të mbështesim një populizëm të Qeverisë. Nuk ka rritje të pagës minimale. Ata vendosën ta rrisnin atë për 1.7 për qind pavarësisht protestave të sindikatave. Por kemi dëgjuar nga Enti shtetëror për statistikë se vetëm inflacioni në mars është dy për qind, nuk ka javë pune, kemi filluar me 30 aktivitete, kemi arritur deri në 38”, deklaroi dje kryetari i KLS-së, Blagoja Ralpovski.

Nëse nuk marrin përgjigje nga Qeveria, Ralpovski tha se KSL-ja do të vazhdojë të veprojë më radikalisht.