Manchester City nga sezoni i ri mund të luajë në Ligën Kombëtare të Anglisë

Manchester City thuhet se mund të largohet nga Liga Premier dhe Championshipi nuk ka asnjë detyrim për t’i pranuar.

Sky Blues mund të bien deri në Ligën Kombëtare nëse vërtetohet se ata kanë bërë shkelje të rënda.

City i është referuar një komisioni të pavarur pasi është akuzuar nga Liga Premier për thyerjen e mbi 100 rregullave financiare në një periudhë nëntëvjeçare midis 2009 dhe 2018. Klubi gjithmonë ka mohuar çdo shkelje dhe do t’i kundërshtojë me forcë akuzat.

Lexo po ashtu Si do të dukej tabela e Ligës Premier nëse Manchester Cty përjashtohet

Nëse Citizens shpallen fajtorë, klubi mund të përballet me një sërë dënimesh të rënda me zbritje pikësh, gjoba të mëdha, ndalime transferimesh, kufizime shpenzimesh, heqje të titujve dhe madje edhe përjashtim nga Liga Premier.

Nëse kjo e fundit do të ndodhte, atëherë klubi do të përballej me rënien në kampionat, megjithatë Daily Telegraph raporton se EFL nuk do të kishte asnjë detyrim t’i pranonte ata.

Si rezultat, klubi mund të përballet me një rënie prej katër divizionesh ndërsa përfundojnë në Ligën Kombëtare, aty ku luajnë Wrexham, Chesterfield dhe Notts County. /Telegrafi/