“Man City mund të jetë më i miri në Evropë për momentin, por do të shohim kur të vijnë ndeshjet” – Ancelotti komenton shortin e Ligës së Kampionëve

“Nuk kemi dhimbje stomaku” apo “nuk është hakmarrje, është çerekfinale ”, ishin disa nga frazat që Carlo Ancelotti lëshoi ​​në konferencën për shtyp, duke hequr presionin nga lojtarët e tij pas shortit me Manchester Cityn.

Djemtë e Pep Guardiolës janë kampionët aktualë të Ligës së Kampionëve dhe Real Madridi është mbreti i kësaj gare, pra na presin dy ndeshje shumë të mëdha mes këtyre dy skuadrave.

“Më mirë se kurrë. Lider në kampionat, në çerekfinalet e Ligës së Kampionëve, gati për të rikuperuar lojtarë si Courtois dhe Militao, pra pa lëndime dhe të uritur”.

🗣️ Carlo Ancelotti: "Si quieres ganar la Champions tienes que ganar a los mejores."

MÁS ALTO IMPOSIBLE 🤍👏🏻pic.twitter.com/eQEG0pENBo

— REAL MADRID FANS 🤍 (@AdriRM33) March 15, 2024

“Man City është një rival që të gjithë e shohin si favorit, ata fituan vitin e kaluar. Është një ndeshje e vështirë, por ne kemi besimin për të bërë mirë. Të luajmë ndeshjen e dytë në Manchester nuk ka rëndësi për ne”.

“Ndeshja çerekfinale është e komplikuar në të gjithë historinë e Ligës së Kampionëve. Për ne dhe për ata. Ideja kur fillon Ligën e Kampionëve është të fitosh garën, nëse dëshiron të fitosh duhet të mundësh më të mirët”.

View this post on Instagram

A post shared by Telegrafi Sport (@telegrafisport)

“Mund të jetë se (Man City) është më e mira në Evropë për momentin. Ne kemi të gjithë besimin e botës. Nëse duam ta fitojmë Ligën e Kampionëve, duhet të mposhtim Man Cityn”, ka thënë Ancelotti. /Telegrafi/