Paolo Maldini ka zbuluar se Milani ishte i interesuar të nënshkruante me Hirving Lozano, por ndryshimi i formacionet të tyre në 4-3-1-2 i pa ata të shikojnë mundësi tjera.
Lozano përfundoi transferimin te Napoli në fund të muajit gushtit, por Maldini pretendon se ish-sulmuesi i PSV mund të kishte kaluar te Milani nëse Marco Giampaolo nuk do të ishte trajneri i tyre.
"Ne e shikuam atë dhe menduam ta blejmë atë", ka thënë fillimisht Maldini për TUDN.
"Ne biseduam me agjentin e tij [Raiola], por në fund pati një problem në lidhje me pozicionin e tij në fushë".
"Ne kemi luajtur në sezonin e kaluar 4-3-3, formacioni i përsosur për të, por tani luajmë në një mënyrë tjetër".
Lozano shënoi në debutim ndaj Juventusit (Foto: Emilio Andreoli/Getty Images/Guliver)
"Ai ishte një opsion për ne gjatë verës, por ai mori vendimin për të shkuar në një klub tjetër të madh siç është Napoli, dhe faktori i punës me Ancelottin, i cili është një maestro, e ndihmon atë të luajë në pozicionin e tij më të mirë dhe natyror", përfundoi drejtori i Milanit.
Kuqezinjtë sollën një tjetër sulmues gjatë verës - Rafael Leao nga Lille për rreth 35 milionë euro. /Telegrafi/
