Mahrez reufzoi t’ia linte penalltinë Ivan Toneyt – algjeriani dështoi nga pika e bardhë më pas

Riyad Mahrez ia mohoi Ivan Toneyt mundësinë për të shënuar golin e tij të parë në Al Ahli – vetëm që ish-ylli i Manchester Cityt të dështonte nga pika e bardhë.

Toney u largua nga Brentford për t’u bashkuar me Al Ahli për 50 milionë euro, me lëvizjen e konfirmuar zyrtarisht në fillim të këtij muaji.

Liga Pro Saudite zgjodhi të nënshkruajë me 28-vjeçarin në vend të sulmuesit të Napolit, Victor Osimhen, me të cilin ranë dakord për kushtet përpara se të ndryshonin kushtet e negociatave me skuadrën italiane.

Toney bëri debutimin e tij në Al Ahli të shtunën, duke luajtur 90 minutat e plota në barazimin 1-1 me skuadrën e Cristiano Ronaldos, Al Nassr.

Por ai pati mundësinë të shënonte golin e tij të parë, nga pika e bardhë, gjatë ndeshjes së Ligës së Kampionëve të Azisë kundër skuadrës iraniane Persepolis të hënën.

Megjithatë, Mahrez vendosi të ekzekutonte goditjen nga pika e bardhë, edhe pse Toney donte ta merrte në vend të tij.

Por anësori algjerian e pa penalltinë e tij të pritur nga portieri Alexis Guendouz. /Telegrafi/