Madonna akoma e lodhur pas infeksionit bakterial, por refuzon të heqë dorë nga turneu

Madonna thuhet se po kalon një kohë të vështirë në rikuperim pas qëndrimit të saj të fundit në kujdesin intensiv.

Lajmi për shtrimin në spital të ikonës së muzikës pop, 64 vjeçe, u njoftua të mërkurën e kaluar (28 qershor).

Fillimisht ajo u pa se nuk reagonte dhe u dërgua me urgjencë në një spital, me mjekët që zbuluan se ajo kishte kontraktuar një infeksion të rëndë bakterial.

Fatmirësisht, krijuesja e një sërë hiteve tani është kthyer në shtëpi dhe e rrethuar nga të dashurit e saj.

Megjithatë, sipas raportimeve, ajo nuk po rikuperohet aq shpejt sa priste.

Lexo po ashtu U lirua nga spitali, zbulohen detaje të reja mbi shëndetin e Madonnas

Një burim i tha TMZ se Madonna është ende e ‘dobët dhe shumë e lodhur’.

Ajo gjithashtu mendohet se po kalon ‘një sasi të konsiderueshme kohe në shtrat’.

Madonna do të dalë në skenë për turneun e saj të 40-vjetorit në vetëm 10 ditë, me ekipin e saj që ende nuk ka ofruar asnjë konfirmim nëse koncerti i saj i 15 korrikut në Vancouver do të vazhdojë.

Kjo vjen pas raportimeve që ylli po ‘vjellte në mënyrë të pakontrolluar’ dhe ishte ‘shumë e sëmurë’.

Një burim i brendshëm pohoi se ajo ishte ‘e shtrirë në shtrat’ me ata rreth saj duke menduar se ‘ajo nuk është në gjendje për të nisur turneun e saj botëror’.

Sidoqoftë, një burim për Metro.co.uk tha se Madonna është ‘duke pushuar në shtëpi, duke bërë më mirë dhe duke ndjekur urdhrat e mjekëve’. /Telegrafi/