Machine Gun Kelly ka përdorur platformën e tij për të dalë kundër racizmit, pasi George Floyd u vra për një arsye të tillë.
Artisti me prejardhje nga Teksasi ka vërtetuar se mund të ndjekë rrugën e tij për të kërkuar drejtësi ndaj rastit të rëndë që ka ndodhur, shkruan Daily Mail.
Në fotografitë e siguruara nga tabloidi britanik, ai mbante një pankartë në të cilën thuhej se të gjithë policët që kanë vrarë dikë, duhet të ndiqen penalisht.
Gjatë paraqitjes së tij, Kelly kishte vënë në pah edhe tatuazhet të cilat shiheshin nën këmishën e tij, teksa mbante një maskë mbrojtëse në formë të shamisë.
Të premten e javës së kaluar, përmes një interviste reperi amerikan kishte reaguar në mënyrë të ashpër ndaj personave racistë, duke i përgjithësuar ata.
“Nëse ju dukeni si unë dhe keni racizmin në zemër dhe mendjen tuaj, dhe një gjë e tillë vjen nga goja juaj, unë turpërohem për ju”, kishte thënë ai.
Machine Gun Kelly iu bashkua mijëra protestuesve në rrugët e Santa Monica, të cilët kërkonin drejtësi për George Floyd.
Një gjë të tillë e kanë bërë edhe artistë të tjerë ndërkombëtarë, sikurse Ariana Grande, Hasley, Emily Ratajkowski e Madison Beer. /Telegrafi/
