Lotito merr shembull futbollin belg dhe kërkon përsëritjen e ndeshjes Lazio – Milan, ku lojtarët e tij morën tre kartonë të kuq

Presidenti i Lazios, Claudio Lotito donte që avokatët e tij të kërkonin që Lazio – Milan të riluhej për shkak të gabimeve të gjyqtarëve.

Biancocelestët ishin të zemëruar me gjyqtarin Marco Di Bello në atë ndeshje të Serie A, e cila i pa ata të përfundonin me tre kartonë të kuq ku u përjashtuan Luca Pellegrinit, Adam Marusic dhe Matteo Guendouzi.

Lotito u zotua në disa intervista televizive për të ndërmarrë “veprim” kundër autoriteteve, por pastaj duket se u tërhoq.

Corriere dello Sport tani shkruan se Lotito u kërkoi avokatëve të tij që të kërkonin që e gjithë ndeshja të riluhej për shkak të ‘gabimeve teknike’ nga gjyqtari dhe VAR.

Ai shpresonte të ndiqte hapat e elitës së futbolli belg, ku këshilli i tyre disiplinor pranoi një apel të Genk se “ligjet e lojës ishin zbatuar keq” gjatë ndeshjes me Anderlechtin.

Në atë situatë, një penallti duhej të përsëritej për shkak të shkeljes.

Lexo po ashtu Tre kartonë të kuq, shumë gabime dhe kaos – dënohet gjyqtari i ndeshjes Lazio-Milan

Gjithsesi, ky ishte një vendim objektiv, ndërsa të gjitha ato që Lazio protestoi kundër Milanit ishin subjektive dhe në varësi të interpretimit të gjyqtarit dhe VAR-it.

Edhe Liverpooli pretendoi se u dëmtua kur VAR-i gaboi duke i tha gjyqtarit se goli i Luis Diaz kundër Tottenham ishte pozitë jashtë loje. Megjithatë, Liga Premier nuk mori në konsideratë një përsëritje të asaj ndeshjeje.

Lotito është ende duke përgatitur një ‘dosje’ të asaj që ai pretendon se janë gabimet e gjyqtarëve kundër Lazios dhe kjo është e gjitha pjesë e një beteje më të gjerë që Lega Serie A të shkëputet nga FIGC dhe të krijojë divizionin e vet të stilit të Ligës Premier. /Telegrafi/