Tetë muaj pasi u largua nga garat e Counter-Strike, Jake "Stewie2K" Yip thotë se është gati për të garuar përsëri.
Stewie2k i cili ishte pjesë e ekipit Evil Geniuses, ka lajmëruar se tani është lojtar i lirë.
Lojtari 25 vjeçar ka kaluar tetë muajt e fundit duke luajtur dhe transmetuar Valorant, por tani duket se është i gatshëm për t’u rikthyer në garat e Counter-Strike.
Siç duket ky paralajmërim i Stewie2k vjen shkaku i lansimit të versionit testues të Counter-Strike 2 nga Valve.
Të premten, Stewie2K postoi në Twitter duke treguar se ai ka akses në testin e kufizuar të Counter-Strike 2 që u lansua së fundmi dhe duke thënë: "Ka kaluar një kohë". /Telegrafi/
