Lojtarët me fitimet më të mëdha në Counter Strike: Global Offensive

Skena e CS:GO po vazhdon të ketë një rritje të madhe, shumat e çmimeve të cilat shpërndahen në turne të ndryshëm vazhdojnë të rriten, duke bërë kështu që lojtarët profesionistë të fitojnë shuma milionëshe.

CS:GO është njëra ndër lojërat me të pëlqyera të stilit ‘First Person Shooter’, e cila në momentin e këtij lajmi numëron 857 mijë përdorues të njëkohshëm.

Ndonëse shumica e nisin CS:GO si një lojë për të kaluar kohën e lirë, për një pjesë tashmë CS:GO është mjaft fitimprurëse, me organizimet e ndryshme profesionale të cilat mbahen.

Sipas esportsearnings, pesë lojtarët me fitimet më të mëdha për momentin janë lojtarët danez, të cilët ishin së bashku pjesë e ekipit Astralis, ku arritën të korrin suksesin më të madh duke fituar katër turne major.

Në vijim jua sjellim listën e renditjes së pesë lojtarëve me fitimet më të mëdha, të cilës i prin Peter “dupreeh” Rasmussen.

5.Emil “Magisk” Reif
Shuma e fituar 1.53 milion euro

4.Lukas “gla1ve” Rossander
Shuma e fituar 1.6 milion euro

3.Nicolai “dev1ce” Reedtz
Shuma e fituar 1.73 milion euro

2.Andreas “Xyp9x” Højsleth
Shuma e fituar 1.74 milion euro

1.Peter “dupreeh” Rasmussen
Shuma e fituar 1.75 milion euro

/Telegrafi/