Anfieldi ishte foleja e spektaklit miqësor në mes Përfaqësueses së Brazilit dhe asaj të Kroacisë.
Para ndeshjes u publikuan fotografi ku lojtarët brazilianë dhe kroatë të Real Madridit shiheshin duke qeshur te stema e Liverpoolit.
Në media dhe nga tifozët në rrjete sociale kjo u komentua si tallje me klubin anglez nga lojtarët e Los Blancos.
Ky imazh ishte postuar nga Casemiro në Insgram me tekstin: "Miqtë, bashkëpunëtorë dhe rivalë".
Por, pas fotografisë së Casemiros, Luka Modric, Marcelo e Mateo Kovacic qëndron një tjetër histori.
Lojtarët nga të dy përfaqësuesve u takuan në korridorin e stadiumit në stërvitjen para ndeshjes, ata të Realit që pas finales së Ligës së Kampionëve janë në pushime dhe pasi ka ditë që nuk kishin parë me njëri-tjetrit, për një moment vendosën të bëjnë një fotografi së bashku.
Në epokën e rrjeteve sociale dihet se një foto e thjeshtë mund të shkaktojë shumë polemika, por siç mund të shihet në videon e mëposhtme çdo gjë ishte e rastësishme. /Telegrafi/
