LK pret krahë hapur Unitedin pas triumfit në finale të Ligës së Evropës ndaj Ajaxit (Video)

Manchester Unitedi ka fituar në finale të Ligës së Evropës me rezultat 0-2 ndaj Ajaxit.

Edhe pse holandezët mbajtën topin dhe gjuajtën më shumë drejtë portës kundërshtare, Djajtë e Kuq ishin konkret në ato shanse që kishin.

Golin e epërsisë në takim e shënoi Paul Pogba në minutën e 18-të, e gjitha kjo pasi gjuajta e tij prej jashtë zone u devijua.

Pas disa minutash rrezikoi edhe Antonio Valencia, por rrjeta e Andre Onanas nuk u tund dhe pjesa e parë përfundoi me rezultat 0-1.

Djajtë e Kuq e filluan mirë pjesën e dytë dhe në minutën e 48-të shënoi Henrikh Mkhitaryan pas një topi të kthyer nga Chris Smalling.

Ajaxi provoi në vazhdim, por Man Utd u vendos mirë në mbrojte dhe nuk lejoi që epërsia e tyre të ngushtohet.

Finalja e Stokholmit do të mbahet mend për shumë vite nga tifozët e Unitedit pasi fal saj ata në sezonin e ri do të jenë pjesëmarrës në fazën e grupeve të Ligës së Kampionëve. /Telegrafi/

http://www.dailymotion.com/video/x5nr5lp_all-goals-highlights-hd-ajax-0-2-manchester-united-24-05-2017-hd_tv