Liverpooli triumfon ndaj Arsenalit dhe kthehet në zonën e LK-së (Video)

Liverpooli ka fituar ndaj Arsenalit me rezultat 3-1 në Ligën Premier.

Vendasit ishin më të mirë gjatë gjithë takimi dhe kjo ishte një fitore e merituar nga Reds.

Goli i parë në takim dhe që i epërsinë skuadrës së Jurgen Klopp erdhi nga Roberto Firmino në minutën e nëntë.

Në minutën e 40-të erdhi dhe goli nga Sadio Mane dhe me rezultat 2-0 skuadrat shkuan në pushim.

Mysafirët ngushtuan epërsinë me anë të Danny Welbeck në minutën e 57-të pas asistimit nga Alexis Sanchez, por kjo ishte e gjitha nga Topçinjtë.

Reds rrezikuan në vazhdim me anë të Joal Matip dhe Divock Origit, por rrjeta e Petr Cech u tund në kohën shtesë të takimit nga Georginio Wijnaldum.

Pas kësaj fitore Liverpooli ngjitet në vendin e tretë me 52 pikë, kurse Arsenali në të pestën me dy pikë më pak.

Ndeshja e ardhshme e londinezëve është ndaj WBA, kurse Reds ndaj Burnleyt. /Telegrafi/

http://www.dailymotion.com/video/x5dwcxt_liverpool-vs-arsenal-3-1-all-goals-highlights-3-5-2017-hd_sport

http://www.dailymotion.com/video/x5dwdie_georginio-wijnaldum-goal-hd-liverpool-3-1-arsenal-04-03-2017-hd_sport