Mesfushori i Interit, Marcelo Brozovic ka përfunduar në listën e dëshirave të klubit anglez, Liverpoolit.
Sipas mediumit italian Libero, Reds janë të interesuar të arrijnë një marrëveshje për kroatin Brozovic.
28-vjeçari ka qenë në San Siro që nga viti 2016 dhe ka pasur zëra se Interi ka hapur bisedimet për një marrëveshje të re me kroatin.
Marrëveshja e tanishme e Brozovicit thuhet se ka një klauzolë lirimi prej 50 milionë eurosh dhe ai i ka të mbetur pak më shumë se dy vjet në kontratë.
Thuhet se Liverpooli do të jetë i gatshëm të përmbushë mundësinë për ta sjellë atë në Anfield sezonin e ardhshëm duke e paguar këtë klauzolë.
Në anën tjetër, Interi thuhet se po monitoron situatën e Georgino Wjnaldum, i cili gjithashtu është në bisedime për një marrëveshje të re me Reds. /Telegrafi/
