Liverpooli konfirmon lëndimin e Keitas, do të mungojë dy muaj

Klubi anglez, Liverpooli, ka konfimuar lëndimin e rëndë që Naby Keita pësoi në përballjen ndaj Barcelonës.

Keita ka hyrë në një formë të mirë në muajt e fundit duke qenë njëri nga më meritorët që Reds po luftojnë në dy fronte për trofe, Ligën Premier dhe Ligën e Kampionëve.

Megjithatë, mesfushori nga Guinea është treguar i pafat pasi ka pësuar një lëndim në ndeshjen e parë gjysmëfinale në Ligën e Kampionëve ndaj Barcelonës.

Lexo po ashtu Klopp e lavdëron Keitan: Është mesfushor i kompletuar

Keita u lëndua gjatë pjesës së parë dhe u detyrua ta lëshoj fushën në minutën e 24-të duke u zëvendësuar me Jordan Henderson.

Tani klubi anglez ka konfirmuar lëndimin e Keitas në muskulin e epërm të këmbës dhe pritet të mungojë dy muaj.

Jürgen Klopp confirmed Naby Keita is set to miss the remainder of the season.

— Liverpool FC (@LFC) May 3, 2019

Mesfushori i ri gjithashtu do të humb edhe Kupën e Kombeve të Afrikës.

“Keita do të jetë jashtë fushave për dy muaj pas lëndimit serioz në muskul. Ai do të humbas sezonin dhe Kupën e Kombeve të Afrikës”, ka thënë Klopp në konferencë për shtyp. /Telegrafi/