Liverpooli e do Kessien, Milani kërkon Alcantaran në shkëmbim

Mesfushori i Liverpoolit, Thiago Alcantara mund të kalojë te Milani pasi klubi planifikon një marrëveshje shkëmbimi e cila mund të përfshijë Franck Kessie.

Sipas raporteve në Itali, kuqezinjtë po shikojnë mënyra në të cilat mund të shmangin humbjen falas të mesfushorit të Bregut të Fildishtë, i cili ka kontratë verën e ardhshme.

24-vjeçari është lidhur me një kalim në Ligën Premier për një kohë të gjatë.

Evertoni ishte i interesuar ta sillte në Angli para se të bashkohej me Milanin në vitin 2019 nga Atalanta, ndërsa kohëve të fundit, Chelsea dhe Manchester United janë klubet që thuhet se janë të interesuar për të.

Lexo po ashtu Liverpooli po mendon transferimin e Kessiet në janar

Megjithatë, destinacioni më i mundshëm tani duket të jetë Anfield me Kessien që mund të kalojë te Liverpooli.

Duket se Milani është gati t’i ofrojë lojtarit një kalim në Merseyside, duke kërkuar të përfitojë nga interesi i tyre në Thiago Alcantarn, i cili nuk ka pasur ndikimin që shumë prisnin.

Drejtuesit Paolo Maldini dhe Frederic Massara mendohet se janë admirues të 30-vjeçarit, dhe e shohin lojën e tij si të përshtatshme për Serie A.

Skuadra e Jurgen Klopp dihet se po kërkon të shtojë më shumë dinamizëm në mesfushën e tyre pas humbjes së Georginio Wijnaldum te PSG gjatë verës.

Reds janë lidhur shumë me lëvizjet për Pedrin e Barcelonës dhe Jude Bellingham nga Borssusia Dortmund ditëve të fundit, por Kessie gjithashtu mund të sillet për të forcuar skuadrën. /Telegrafi/