Liverpooli dhe Arsenali kanë publikuar tashmë formacionet zyrtare për ndeshjen e radhës në Ligën Premier.
Reds janë nikoqir të Topçinjve në ndeshjen e vlefshme për javën e tretë në Ligën Premier, ndeshje e cila zhvillohet në Anfield nga ora 18:30.
Ekipi i drejtuar nga Jurgen Klopp ka shënuar dy fitore në dy ndeshjet e para dhe synon tri pikët e radhës në takimin në shtëpi ndaj Arsenalit.
Në anën tjetër, edhe ekipi i Unai Emery ka gjashtë pikë nga dy ndeshjet e para dhe ka udhëtuar në Anfield për rezultat pozitiv.
Trajnerët e të dyja skuadrave kanë vendosur të startojnë me formacionet më të mira të mundshme.
Te Liverpooli, Xherdan Shaqiri e nis ndeshjen nga banka, ndërsa Granit Xhaka kthehet titullar menjëherë pas lëndimit.
Liverpool: Adrian; Alexander-Arnold, Matip, Van Dijk, Robertson; Fabinho, Wijnaldum, Henderson; Mane, Salah, Firmino
Arsenal: Leno; Maitland-Niles, Sokratis, Luiz, Monreal; Xhaka, Goundouzi, Willock, Ceballos, Aubameyang; Pepe.
/Telegrafi/
