Kombëtarja e Spanjës ka arritur kualifikimin në finale të Euro 2024 pasi mposhti me rezultat 2-1 kombëtaren e Francës në gjysmëfinale.
Golat për Furinë e Kuqe i shënuar Laimne Yamal dhe Dani Olmo, ndërsa për Gjelat realizoi Randal Kolo Muani.
Telegrafi do t’ju mbajë të informuar minutë pas minute për gjithçka rreth kësaj ndeshje.
09/07/2024 23:30-“Fol tani, fol tani”, Yamal thumbon Rabiotin pas përfundimit të ndeshjes
Në ditën e ndeshjes Spanjë-Francë, Adrien Rabiot i bëri me dije Lamine Yamalit se duhet të bëjë më shumë në nivel personal nëse dëshiron të kualifikohet në finale të Euro 2024.
Sensacioni spanjoll nuk preferoi që t’i kundërpërgjigjej yllit të Juventusit menjëherë, por e la që përgjigjen ta jap me paraqitjen e tij në fushë.
Dhe pikërisht këtë e bëri, pasi Yamal në minutën e 21-të realizoi një gol spektakolar për të barazuar rezultatin në 1-1.
09/07/2024 23:29-Notat e lojtarëve, Spanjë 2-1 Francë
Kombëtarja e Spanjës ka arritur kualifikimin në finale të Euro 2024 pasi mposhti me rezultat 2-1 kombëtaren e Francës në gjysmëfinale.
Për Francën golin e vetëm në këtë takim e realizoi Randal Kolo Muani në minutën e nëntë të takimit pas asistimit të Mbappes.
Tek Spanja shënuan Lamine Yamal ndërsa goli i dytë ishte një autogol i Jules Kounde që doli të jetë në fund goli i finales.
09/07/2024 22:53-Mbyllet ndeshja: Spanja eliminon Francën - finalistja e parë e Euro 2024
Spanja e ka eliminuar Francën me rezultat 2-1, për të kaluar në finale të Euro 2024.
Furia e Kuqe e mëson nesër (10 korrik) emrin e kundërshtarit në përballjen mes Anglisë dhe Holandës.
09/07/2024 22:03-Fillon pjesa e dytë
Ka nisur pjesa e dytë mes Spanjës dhe Francës.
Spanjollët nisin këtë pjesë me topin, derisa janë në epërsi 2-1.
09/07/2024 21:47-Mbyllet pjesa e parë, Spanjë - Francë
Ka përfunduar pjesa e parë mes Spanjës dhe Francës.
Furia e Kuqe ka shkuar në pushimin mes pjesëve me epërsinë 2-1 përballë Gjelave.
Për spanjollët shënuan Lamine Yamal dhe Dani Olmo, ndërsa për francezët realizoi Randal Kolo Muani.
09/07/2024 21:26-Spanja përmbysë rezultatin me golin e Olmos
Spanja i ka përmbysur shifrat në 2-1 kundër Francës, pasi Dani Olmo realizoi në minutën e 25-të.
KOUNDE SCORED AN OWN GOAL 😭😭 pic.twitter.com/Rn7VkkVk8j
— Dr Yash (@YashRMFC) July 9, 2024
09/07/2024 21:22-Lamine Yamal shënon një super gol
Lamine Yamal e ka barazuar rezultatin në 1-1 për Spanjën kundër Francës në minutën e 20-të.
09/07/2024 21:09-Kolo Muani shënon nga asistimi i Mbappes
Franca ka kaluar në epërsi ndaj Spanjës qysh në minutën e 8-të, kur Kylian Mbappe asistoi te Randal Kolo Muani.
🚨 GOAL: Spain 0-1 France!
KOLO MUANI PUTS FRANCE 1-0 UP! 🇫🇷 pic.twitter.com/Rdhid3cCVW
— Euro 24 Hub (@Euro24Hub) July 9, 2024
09/07/2024 21:00-Fillon ndeshja mes Spanjës dhe Francës
Ka nisur ndeshja e parë gjysmëfinale mes Spanjës dhe Francës, ku do të mësohet finalisti i parë në Euro 2024.
Janë Gjelat, ata që nisën të parët me topin.
09/07/2024 19:54-Dy super fuqi përballen për një vend në finale, formacionet zyrtare: Spanjë – Francë
Kombëtarja e Spanjës dhe ajo e Francës kanë publikuar formacionet zyrtare para duelit që do të nis me fillim nga ora 21:00.
Dy ekipet kombëtare do të luajnë përballë njëra-tjetrës në kuadër të fazës gjysmëfinale të Euro 2024 me synimin e qartë – finalen e Berlinit.
Për të siguruar kalimin në gjysmëfinale Spanja arriti që të marrë një fitore dramatike në minutën e 120-të ndaj Gjermanisë, ndërsa Franca e mposhti Portugalinë pas ekzekutimit të penalltive.
09/07/2024 19:53-Ylli i Spanjës kritikon ashpër tifozët e shtetit të tij para ndeshjes me Francën
Kapiteni i Spanjës, Alvaro Morata, ka thënë se ai ndihet më i lumtur jashtë shtetit të tij pasi atje vuan nga mungesa e respektit.
Sulmuesi i Atletico Madridit do ta udhëheq sot (9 korrik) Spanjën në gjysmëfinale të Euro 2024 ndaj Francës, por ka sugjeruar se mund të mos mbetet në kryeqytetin spanjoll përtej verës.
Morata dhe kolegët e tij tek Spanja do të takohen me Francën për një vend në finalen e parë të shtetit të tyre pas 12 viteve.
09/07/2024 17:58-Ylli i Francës bën një pretendim alarmues në Euro 2024 për Mbappen dhe Griezmannin
Mesfushori i Francës, Adrien Rabiot, ka pranuar se bashkëlojtari Kylian Mbappe po kalon një moment të vështirë në Euro 2024.
Pavarësisht statusit të tij si një nga lojtarët më të shquar në futbollin botëror, Mbappe ka shënuar vetëm një herë në katër paraqitje në turne deri më tani – një penallti kundër Polonisë.
Kauza e Mbappes nuk është ndihmuar nga thyerja e hundës që ai pësoi në ndeshjen hapëse të Francës në grup kundër Austrisë, gjë që do të thotë se sulmuesi duhet të mbajë maskë në ndeshjet e mëpasshme.
09/07/2024 17:57-Deklaratë shqetësuese e Deschamps për Mbappen – kërkohet që ylli francez të mos luajë ndaj Spanjës
Përzgjedhësi i Francës, Didier Deschamps ka bërë një përditësim shqetësues për gjendjen e Kylian Mbappes para ndeshjes gjysmëfinale ndaj Spanjës.
Franca do të futet në këtë gjysmëfinale si një favorit i lehtë ndaj Spanjës që ka marrë lëvdata të mëdha si një prej ekipeve me paraqitjen më të mirë në Euro 2024.
Të besuarit e Deschamps janë paraqitur mjaft mirë në fazën defanzive por sulmi i tyre ka dështuar që të lë shenja deri më tani, pasi ‘Gjelat’ kanë dështuar që të shënojnë një gol nga loja e hapur përkundër faktit që posedojnë lojtar të nivelit botëror.
09/07/2024 15:29-Franca nuk ka humbur asnjë ndeshje në 90 minuta që nga Kupa e Botës ‘Brazil 2014’
Data 4 korrik 2014 është hera e fundit që Kombëtarja e Francës humb një ndeshje brenda 90 minutave. Në Maracana, ndaj Gjermanisë, me një gol të vetëm të Mats Hummels në minutën e 12-të, ndodhi diçka që nuk është përsëritur.
Që atëherë, skuadra që Didier Deschamps ishte trajner tashmë në ‘Brazil 2014’ ka luajtur 17 ndeshje direkte kualifikuese ndërmjet Kampionateve Evropiane, Kupave të Botës dhe Ligës së Kombeve. Ata fituan 14 dhe humbën dy ndeshje në penallti dhe një në vazhdime.
09/07/2024 15:03-Matthaus parashikon ndeshjen Spanjë-Francë, befason me analizën e tij
Legjenda gjermane, Lothar Matthaus ka parashikuar fitoren e Francës ndaj Spanjës në gjysmëfinalen e Euro 2024 që do të zhvillohet sonte (e mërkurë) në Munih.
Si zakonisht në rubrikën e tij të përjavshme Sport Bild, Matthaus ofroi sërish në parashikimet e tij për ndeshjet vendimtare dhe siguroi se Franca do ta mposht Spanjë, edhe pse sipas tij spanjollët janë skuadra që ka bërë më shumë përshtypje në Euro 2024 deri tani.
09/07/2024 13:36-Lamine Yamal i përgjigjet me një postim të fshehtë ngacmimeve të Rabiot
Adrien Rabiot e ngacmoi Lamine Yamal para ndeshjes gjysmëfinale të Francës ndaj Spanjës në Euro 2024.
Megjithatë, Yamal duket se i dha një përgjigje të fshehtë Rabiotit vetëm disa orë më vonë.
09/07/2024 12:42-Rabiot ngacmon Yamalin para ndeshjes gjysmëfinale
Mesfushori i Francës, Adrien Rabiot e ka ngacmuar yllin e Spanjës, Lamine Yamal, para ndeshjes së sotme gjysmëfinale në Euro 2024.
"Për të arritur në një finale të Evropianit, ai duhet të bëjë më shumë se çfarë ka bërë deri tani", ka thënë Rabiot.
09/07/2024 12:33-Marca lartëson lojtarët e Spanjës teksa ngacmon Mbappen
“Kjo do të jetë nata për superheronjtë tanë”, ka shkruar gazeta Marca në ballinën e saj.
Sipas është pjesërisht në lidhje me ekskluzivitetet e Hollivudit, por edhe pjesërisht evokon mbrojtjen e fytyrës së Kylian Mbappe.
09/07/2024 11:30-Spanjë – Francë: Statistika, analizë, formacionet e mundshme dhe parashikimi i gjysmëfinales së Euro 2024
Kombëtarja e Spanjës dhe ajo e Francë do të luajnë mes vete në ndeshjen e parë gjysmëfinale të Kampionatit Evropian “Gjermani 2024”.
Spanja dhe Franca janë dy kombëtaret e para të cilat kërkojnë një vend në finalen e madhe të Kampionatit Evropian.
Vendi: Allianz Arena (Munih)
Koha: 21:00
09/07/2024 11:00-Mourinho tregon ‘befasinë më të madhe’ që ka parë teksa shikonte Euro 2024
Trajneri i Fenerbahces, Jose Mourinho, e ka ndjekur me vëmendje Kampionatin Evropian të kësaj vere që po zhvillohet në Gjermani.
Euro 2024 po i afrohet me shpejtësi përfundimit me Francën, Spanjën, Holandën ose Anglinë që do të kurorëzohen kampione të Evropës.
Mourinho, i cili mori drejtimin e Fenerbahces këtë verë pasi u largua nga Roma në janar – kishte këshilluar që djemtë e Roberto Martinez të përparonin më tej në garë për shkak të bollëkut të talenteve në skuadrën e tyre.
Ish-trajneri i Chelseat zgjodhi Anglinë, Portugalinë dhe Francën si favoritët e garës dhe pranoi se ishte i befasuar nga performanca e një kombi në veçanti.
09/07/2024 10:30-Te Franca janë të acaruar përse videot e tyre nga stërvitjet janë publikuar në internet
Antoine Griezmann ka reaguar me zemërim ndaj mediave franceze që postojnë video të skuadrës së Didier Deschamps duke praktikuar penallti përpara ndeshjes së tyre me Spanjën.
Pavarësisht se hyri në Euro 2024 si favorit para turneut, Franca ishte larg nga më e mira e saj në fazën e grupeve.
Një fitore e ngushtë ndaj Austrisë u pasua nga barazimet me Holandën dhe Poloninë që i panë ato të kualifikoheshin si e dyta nga Grupi D për të krijuar një përplasje me rivalët Belgjikë që e fituan falë një auto-goli nga Jan Vertonghen.
Lajmi i plotë..
09/07/2024 10:00-De la Fuente paralajmëron Yamalin për ndeshjen me Francën
Trajnerit të Spanjës, Luis de la Fuente, i ka dhënë një notë kujdesi për rolin e Lamine Yamal dhe Nico Williams kundër Francës.
La Roja do të përballet me një gjysmëfinale të Euro 2024 kundër Francës më 9 korrik, pasi mposhti në çerekfinale Gjermaninë.
De la Fuente është i bindur se ekipi i tij mund të ruajë formën e lartë, me pesë fitore të njëpasnjëshme deri më tani, dhe fitorja e Gjermanisë ishte hera e parë që shkoi në vazhdime për të siguruar një fitore.
09/07/2024 09:30-Deschamps heq dorë nga ylli i Francës për ndeshjen me Spanjën – e zhvendosë në bankinë
Franca do të heqë dorë nga një nga lojtarët e saj më të mirë për ndeshjen e saj gjysmëfinale të Euro 2024 me Spanjën.
Kanë mbetur vetëm tri ndeshje në Euro 2024, por tifozët do të shpresojnë të shikojnë futboll të bukur në gjysmëfinale.
Sot (e martë), Spanja dhe Franca do të përballen ballë për ballë në Mynih në një ndeshje të denjë për një finale.
09/07/2024 09:00-Sllovenit Slavko Vincic i besohet ndeshja e parë gjysmëfinale në Euro 2024
UEFA ka caktuar sllovenin Slavko Vincic për të drejtuar gjysmëfinalen mes Spanjës dhe Francës në Mynih.
Asistenët e Vincic do të jenë Tomaz Klancnik dhe Andraz Kovacic, ndërsa gjyqtar i katërt Ivan Kurzliak.
Në VAR do të jetë Nejc Kajtazovic.
